હાલ ચાલી રહેલ ભયંકર ગરમીમાં સુરત મહાનગરપાલિકાના તમામ અર્બન હેલ્થ સેન્ટર સાંજે 7:00 વાગ્યા સુધી ખુલ્લા રાખવા માટે આદેશ અપાયો છે. ક્રમિક અન્નપૂર્ણા યોજના કેન્દ્ર પર શ્રમજીવીઓને છાશનું વિતરણ કરવા માટે સુચના આપવામાં આવી છે. શહેરમાં જે બાંધકામ સાઇડ ચાલી રહી છે તે સાઇટ પર શ્રમજીવીઓને મુશ્કેલી ન પડે તે માટે બપોરે ચાર કલાક સુધી કામ બંધ રાખવાના આદેશ આપવામાં આવ્યા છે. આ ઉપરાંત તમામ બાંધકામ સાઈટ પર સમજીવીઓને છાશનું વિતરણ કરવા માટે પણ સૂચના આપવામાં આવી છે.
આ સાથે સાથે સુરત મહાનગરપાલિકાના સફાઈ કામદારો માટે બપોરના કામકાજના કલાકોમાં ફેરફાર કરવા તથા કામદારોનું યોગ્ય હાઇડ્રેશન જળવાઈ તે માટેની કામગીરી કરવા જણાવ્યું છે. સુરત શહેરની પાલિકાની હોસ્પિટલોને હિટ રિલેટેડ ઈનનેશનના કેસમાં સારવાર અંગે પૂરી તૈયારી રાખવા માટે જણાવ્યું છે. ગરમીથી બચવા લોકોમાં જાગૃતિ આવે તે માટે બીઆરટીએસ અને સીટી બસમાં એલર્ટની જાહેરાત કરવા સાથે બસના ડ્રાઇવર અને કંડકટરને પણ હિટ એલર્ટ અંગેનો મેસેજ આપવા સૂચના આપવામાં આવી છે. આ એલર્ટ બાદ સુરત મહાનગરપાલિકાએ સતત બેઠકનો દોર શરૂ કરીને ગરમીમાં લોકોને મુશ્કેલી ન પડે તે માટેની કામગીરી કરવા કવાયત શરૂ કરે છે.
