પૂર્વ આફ્રિકાના તાન્ઝાનિયામાં ભારે વરસાદ ના કારણે પૂર ના લીધે છેલ્લા પંદર દિવસમાં લગભગ 58 લોકોના મોત થયા છે. ત્યાં ની સરકારે જણાવ્યું હતું કે વરસાદે દરિયાકાંઠાના વિસ્તારોમાં સૌથી વધુ વિનાશ વેર્યો હતો અને લગભગ 126,831 લોકો પ્રભાવિત થયા હતા.
સરકારના પ્રવક્તા એ જણાવ્યું હતું કે રવિવાર થી અસરગ્રસ્ત લોકોને ખોરાક અને અન્ય આવશ્યક વસ્તુઓનું વિતરણ કરવામાં આવ્યું હતું. તેમણે કહ્યું કે તાન્ઝાનિયા ભવિષ્યમાં પૂરથી બચવા માટે 14 ડેમ બનાવવાની યોજના ધરાવે છે. પૂર્વ આફ્રિકાના કેટલાક ભાગોમાં લોકો ભારે વરસાદ અને પૂરની સમસ્યાનો સામનો કરી રહ્યા છે. કેન્યામાં પૂરના કારણે અત્યાર સુધીમાં 13 લોકોના મોત થયા છે. ઈન્ફ્રાસ્ટ્રક્ચરને પણ ભારે નુકસાન થયું છે.
અફઘાનિસ્તાનમાં ભારે વરસાદના કારણે આવેલા અચાનક પૂરને કારણે ત્રણ દિવસમાં ઓછામાં ઓછા 33 લોકોના મોત થયા છે અને અન્ય 27 લોકો ઘાયલ થયા છે. પ્રાકૃતિક આપત્તિ વ્યવસ્થાપન મંત્રાલયના તાલિબાનના પ્રવક્તા અબ્દુલ્લા જનાન સૈકે રવિવારે જણાવ્યું હતું કે રાજધાની કાબુલ અને કેટલાક પ્રાંતોમાં અચાનક પૂર આવ્યું છે. તેમણે કહ્યું કે પૂરના કારણે 600 થી વધુ ઘરો નાશ પામ્યા છે અથવા નુકસાન થયું છે જ્યારે 200 જેટલા પશુઓ મૃત્યુ પામ્યા છે. SACએ કહ્યું કે પૂરને કારણે 800 હેક્ટર ખેતીની જમીન પણ નાશ પામી છે અને 85 કિલોમીટરથી વધુ રસ્તાઓને નુકસાન થયું છે. તેમણે કહ્યું કે પૂરના કારણે પશ્ચિમ ફરાહ, હેરાત, દક્ષિણી ઝાબુલ અને કંદહાર પ્રાંતમાં સૌથી વધુ નુકસાન થયું છે. હવામાન વિભાગે અફઘાનિસ્તાનના મોટાભાગના 34 પ્રાંતોમાં આગામી દિવસોમાં વધુ વરસાદની આગાહી કરી છે.
Users Today : 148
Total Users : 66429
Views Today : 222
Total views : 99849