કલર્સ ટીવીના એડવેન્ચર રિયાલિટી શો ‘ખતરોં કે ખિલાડી’ની સીઝન 14ની તૈયારીઓ પૂરજોશમાં શરૂ થઈ ગઈ છે. રોહિત શેટ્ટીના આ સેલિબ્રિટી સ્ટંટ આધારિત રિયાલિટી શોમાં ન તો કોઈ પક્ષપાત છે કે ન તો કોઈ વધારાનો ડ્રામા છે. આ શોમાં ભાગ લેનારા તમામ સ્પર્ધકોને તેમની પ્રતિભાના આધારે જજ કરવામાં આવે છે. અને આ જ સૌથી મોટું કારણ છે કે દર્શકો દર વર્ષે ખતરોં કે ખિલાડીની નવી સીઝનની રાહ જુએ છે.
જોકે ખતરોં કે ખિલાડીની મોટાભાગની સિઝન સાઉથ આફ્રિકામાં ફિલ્માવવામાં આવી છે. પરંતુ શોનું શૂટિંગ બ્રાઝિલ (સીઝન 3), આર્જેન્ટિના (સીઝન 7 અને 9), બલ્ગેરિયા (સીઝન 10) અને સ્પેન (સીઝન 8) માં પણ કરવામાં આવ્યું છે. સામાન્ય રીતે પ્રાણીઓના સ્ટંટને લઈને સાઉથ આફ્રિકામાં જે સ્વતંત્રતા આપવામાં આવે છે તે અન્ય દેશોમાં મળતી નથી અને આ જ કારણ છે કે નિર્માતાઓ ‘ખતરો કે ખિલાડી’ માટે સાઉથ આફ્રિકાને પ્રાથમિકતા આપે છે.
હાલમાં રોહિત શેટ્ટી અને તેની સ્ટંટ ટીમ રેકીમાં વ્યસ્ત છે. આ ટીમે હાલમાં આર્જેન્ટિના, જ્યોર્જિયા અને થાઈલેન્ડનો પ્રવાસ કર્યો છે. પરંતુ આર્જેન્ટિનામાં દરરોજ ત્રણ વખત બદલાતું હવામાન શૂટિંગ માટે પડકારરૂપ બની શકે છે અને થાઈલેન્ડમાં ઈચ્છિત સ્ટંટ કરવા મુશ્કેલ બનશે. અને આ કારણે રોહિત શેટ્ટીની ટીમ આ વખતે શોનું શૂટિંગ જ્યોર્જિયામાં કરવા માંગે છે. જેથી તેમને મુશ્કેલ સ્ટંટ કરવા માટે યોગ્ય સુરક્ષા અને સુવિધા મળી શકે.
તાજેતરમાં જ જિયા શંકર અને આકાંક્ષા પુરીને ‘ખતરો કે ખિલાડી 14’માં જોડાવા માટે સંપર્ક કરવામાં આવ્યો છે. આ બે સિવાય બિગ બોસ 17માંથી અભિષેક કુમાર, ઈશા માલવિયા, મુનાવર ફારૂકી, મન્નારા ચોપરા અને નીલ ભટ્ટ. અભિષેક મલ્હાન અને મનીષા રાની ઉપરાંત, અંકિત ગુપ્તા, શોએબ ઈબ્રાહિમ, પ્રિયંકા ચહર ચૌધરી અને વિવેક દહિયાને પણ શોમાં જોડાવા માટે બિગ બોસ OTT તરફથી સંપર્ક કરવામાં આવ્યો છે.
