ગુજરાત હાઈ કોર્ટે મુદતમાં વારંવાર ગેરહાજર રહેતી મહિલા વિરુદ્ધ જામીનપાત્ર વોરંટ કાઢ્યું હતું. એનઆરઆઈ પતિની છૂટાછેડાની અરજીના જવાબમાં મહિલા કોર્ટમાં હાજર રહેવામાં નિષ્ફળ રહેતા આ પગલું લેવામાં આવ્યું હતું.કતારમાં રહેતા 29 વર્ષીય પતિએ દલીલ કરી હતી કે તેની પત્નીએ પહેલાથી જ બીજા લગ્ન કરી લીધા છે, તેમ છતાં તેની સતત ગેરહાજરી તેમના લગ્નના ઔપચારિક વિસર્જનમાં વિલંબ કરી રહી છે અને તેને બીજા લગ્ન કરતા અટકાવી રહી છે.
આ દંપતીનો પરિચય થયા બાદ તેમણે 2022માં વડોદરામાં લગ્ન કર્યા હતા. એક વર્ષની અંદર, પતિએ હિંદુ મેરેજ એક્ટની કલમ 12 હેઠળ લગ્ન વિસર્જન માટે અરજી દાખલ કરી, જેમાં જણાવ્યું કે માન્ય હિંદુ લગ્ન માટે જરૂરી યોગ્ય વિધિઓ કરવામાં આવી ન હતી અને તેથી લગ્નને રદબાતલજાહેર કરવું જોઈએ.તેના વકીલે હાઇ કોર્ટ સમક્ષ રજૂઆત કરી કે ફેમિલી કોર્ટે પત્નીને અનેક સમન્સ જારી કર્યા હતા, છતાં તે ક્યારેય હાજર થઈ ન હતી. આ સમયગાળા દરમિયાન, મહિલાએ કથિત રીતે બીજા લગ્ન કર્યા હતા, અને પતિએ આ દાવાને સમર્થન આપવા માટે તેના સોશિયલ મીડિયા પ્રોફાઇલના કેટલાક ફોટોગ્રાફ્સ રેકોર્ડ પર મૂક્યા હતા. વકીલે દલીલ કરી હતી કે તેના બીજા લગ્નને ધ્યાનમાં લેતા, તે કાર્યવાહીમાં હાજર રહે તેવી શક્યતા નથી.મહિલાની સતત ગેરહાજરીના કારણે કોર્ટે લગ્નની વિધિઓ યોગ્ય રીતે કરવામાં આવી નહોતી તેવી દલીલ પણ ફગાવી દીધી હતી. તેમજ કોર્ટે એવું પણ માન્યું હતું કે પત્નીની ગેરહાજરીમાં, છૂટાછેડા માટે તેની સંમતિ અથવા લગ્ન સમારોહની સ્વીકૃતિ ઉપલબ્ધ નથી.
આ આદેશને પડકારતા, પતિએ હાઇ કોર્ટમાં અપીલ દાખલ કરી, જેમાં જણાવ્યું કે તે બીજા લગ્ન કરીને તેના જીવનમાં સ્થાયી થવા માંગે છે, પરંતુ પત્ની દ્વારા નોટિસોની ઇરાદાપૂર્વકની અવગણના આને અશક્ય બનાવી રહી છે. તેના વકીલે કોર્ટને જાણ કરી કે તેણે કોર્ટની નોટિસો સ્વીકારવાનો ઇનકાર કર્યા પછી પતિએ અખબારોમાં જાહેર નોટિસો પણ જારી કરી હતી. છતાં તેણે કોઈ જવાબ આપ્યો ન હતો. જ્યારે હાઈ કોર્ટે ઇન્સ્ટાગ્રામ — જ્યાં તે સક્રિય છે — દ્વારા નોટિસ આપવાનું સૂચન કર્યું, ત્યારે વકીલે ચિંતા વ્યક્ત કરી કે આવી કાર્યવાહી પક્ષકારોની બદનામી કરી શકે છે.પ્રારંભિક સુનાવણી પછી, હાઈ કોર્ટે અવલોકન કર્યું કે, આ કોર્ટે પણ નોટિસ જારી કરી છે અને પ્રતિવાદીએ હાજર ન થવાનું પસંદ કર્યું છે. કોર્ટ દ્વારા નોટિસ બજાવવાનો પ્રયાસ કરવામાં આવ્યો છે. અખબારમાં નોટિસ પણ આપવામાં આવી હતી. તેમ છકાં પ્રતિવાદીએ સતત હાજર ન થવાનું પસંદ કર્યું હતું. આ બાબતને ધ્યાનમાં રાખીને અમારી પાસે પ્રતિવાદી વિરુદ્ધ ₹5,000ની રકમનું જામીનપાત્ર વોરંટ જારી કરવા સિવાય અન્ય કોઈ વિકલ્પ બાકી રહેતો નથી. હાઈ કોર્ટ આ કેસની વધુ સુનાવણી 18 ડિસેમ્બરના રોજ કરશે.
Users Today : 54
Total Users : 79362
Views Today : 93
Total views : 119139