અડાજણ ખાતે વિદ્યાર્થિની ગુમ થયાની ફરિયાદ નોંધાઈ

સુરતના અડાજણ ખાતે રહેતી ૨૨ વર્ષીય વિદ્યાર્થિની ઘરેથી નીકળ્યા બાદ હથુરણ ખાતેથી ગુમ થઈ ગઈ હતી. આ મામલે કોસંબા પોલીસ મથકે ગુનો નોંધાયો હતો. મળતી માહિતી મુજબ, હાલ સુરત અડાજણ ભગવાન પાર્ક સોસાયટીમાં રહેતી અને મૂળ યુપીના કુશીનગર જિલ્લાના શીવસરીયા બુજુર્ગ ગામની ૨૨ વર્ષીય સ્વીટી સંતોષકુમાર કુશવાહા ઉપરોક્ત સરનામે રહી અભ્યાસ કરે છે સ્વીટી ઘરેથી નીકળ્યા બાદ ડિવાઈનવાલા સોસાયટી, ઉટીયાદરા રોડ, હથુરણ ખાતે ગઈ હતી. યુવતી ઘરે ન પહોંચતા પરિવારે સગાસંબંધીઓ અને હથુરણ ગામે તપાસ કરી હતી. પરંતુ તેનો કોઈ ભાલ ન મળતા આખરે કોસંબા પોલીસ મથકે ફરિયાદ નોંધાવી હતી.

Author: Gujarat Samrajya