કામરેજનાં માંકણા ગામની યુવતી ગુમ થયાની ફરિયાદ નોંધાઈ

સુરત જિલ્લાનાં કામરેજ તાલુકાનાં માંકણામાં રહેતી યુવતી ભેદી સંજોગોમાં લાપતા થઈ જતા પોલીસને જાણ કરાઈ હતી. સુત્રો પાસેથી મળતી માહિતી અનુસાર, કામરેજ તાલુકાનાં માંકણા ગામે આવેલી રાધે ક્રિષ્ના રેસિડેન્સીમાં રહેતી અને મૂળ અમરેલી જિલ્લાના ગમાપીપળીયા ગામની ૧૮ વર્ષીય જાનવી ઉર્ફે ગોપી રામાભાઈ ભેડા ઘરે કોઇને જાણ કર્યા વિના ચાલી ગઈ હતી.

જે મોડી સાંજ સુધી પરત નહી આવતા પરિવારજનો દ્વારા સગાસબંધી સહિત નજીકની સોસાયટીઓમાં તપાસ હાથ ધરાઈ હતી. જોકે જાનવીનો કોઈ પતો લાગ્યો ન હતો. આમ પરિવારે કામરેજ પોલીસ મથકે પુત્રી ગુમ થયાની ફરિયાદ નોંધાવી હતી.

Author: Gujarat Samrajya