ભરૂચમાં દૂધધારા ડેરી નજીક આવેલી ગટરમાંથી અજાણી વ્યક્તિનું કપાયેલું માથું મળી આવ્યું હતું. આ મામલે વધુ તપાસ હાથ કરતાં આજે રવિવારે થોડે દૂર ગટરમાંથી અન્ય અંગ મળ્યા હતા. સમગ્ર મામલે ઉચ્ચ પોલીસ અધિકારી સહિત સી ડિવિઝન પોલીસનો કાફલો ઘટના સ્થળે દોડી પહોંચ્યો હતો. પોલીસે આ મામલે ફરિયાદ નોંધીને મૃતકની ઓળખ કરવા અને આરોપીને ઝડપી પાડવા વધુ તપાસ હાથ ધરી હતી. 
ભરૂચમાં કોલેજ રોડ પર આવેલી દૂધધારા ડેરી નજીક આવેલી ગટરમાંથી મૃતદેહ મળી આવતા પોલીસ કાફલો ઘટના સ્થળે પહોંચ્યો હતો. બનાવમાં પહેલાં કોઈ અજાણી વ્યક્તિનું માથું અને પછી આજે રવિવારે શરીરના અન્ય અંગો મળી આવ્યા છે. જેમાં હાલ ઘૂંટણ સુધીનો ભાગ મળ્યો છે, ત્યારે મૃતદેહના મળી આવેલાં બંને અંગો કોઈ એક વ્યક્તિના હોવાનો પોલીસનો અંદાજ છે. શહેરની ગટરમાંથી અજાણ્યા વ્યક્તિના માથા અને ઘૂંટણ સુધીના શરીરના અંગો મળતાં, પોલીસે અન્ય અંગોની શોધખોળ શરૂ કરી છે. જ્યારે સમગ્ર ઘટના કઈ રીતે ઘટી અને શું હતો મામલો તેને લઈને પોલીસે વધુ તપાસ હાથ ધરી હતી.
Users Today : 13
Total Users : 79403
Views Today : 19
Total views : 119198