ઝંખવાવ પોલીસ મથકનો પ્રોહી. ગુન્હાનો વોન્ટેડ આરોપી સોનગઢ ખાતેથી ઝડપાયો

સુરત જિલ્લાનાં ઝંખવાવ પોલીસ મથકે નોંધાયેલ પ્રોહીબીશનનાં ગુન્હામાં છેલ્લા 6 માસથી નાસતા ફરતા વોન્ટેડ આરોપીને સોનગઢ ખાતેથી ઝડપી પાડી જરૂરી કાર્યવાહી હાથ ધરી હતી. મળતી માહિતી મુજબ, તાપી એલ.સી.બી. પોલીસ સ્ટાફનાં માણસો તારીખ 21/05/2025 નાંરોજ સુરત ગ્રામ્ય જિલ્લા વિસ્તારમાં નાસતા ફરતા તથા વોન્ટેડ આરોપીઓ પકડી પાડવા માટે પેટ્રોલીંગમા હતા.

તે સમયે બાતમી મળી હતી કે, ‘ઝંખવાવ પોલીસ મથકે નોંધાયેલ પ્રોહીબીશનનાં ગુન્હામાં નાસતા ફરતા આરોપી વિપુલ ઉર્ફે ઘોડો અશોકભાઈ પાટિલ (રહે.શક્તિનગર, સોનગઢ, જિ.તાપી)નો સોનગઢ ખાતે આવનાર હોવાની બાતમી મળી હતી. જે બાતમીનાં આધારે પોલીસ સ્ટાફના માણસોએ સોનગઢ ખાતે પહોંચી આરોપીની વોચમાં હતા તે દરમિયાન આરોપી સોનગઢ ખાતેથી મળી આવતા આરોપીને ઝડપી પાડી તેના વિરૂધ્ધ કાયદેસરની કાર્યવાહી હાથ ધરી હતી.

Author: Gujarat Samrajya