રાજ્યમાં દારૂબંધી હોવા છતાં છાશવારે દેશી દારૂના ઠેકાણા તેમજ દારૂ પીને આતંક મચાવનારા નબીરાઓ સામે આવતા હોય છે. એવામાં હાલ હવે અમદાવાદ પોલીસ દ્વારા અસામાજિક તત્વો સામે કડક કાર્યવાહી હાથ ધરવામાં આવી રહી છે. જે હેઠળ બુધવારે અમદાવાદના કાગઠાપીઠ પોલીસ સ્ટેશનની હદમાં આવતા વિસ્તારમાં એક મહિલા બુટલેગરના ઘરે બુલડોઝર ફેરવવામાં આવ્યું છે. AMCની દબાણ શાખાની ટીમ દ્વારા આ કાર્યવાહી હાથ ધરવામાં આવી હતી.
આ સિવાય આગળ પણ આ અંગે વધુ કાર્યવાહી હાથ ધરવામાં આવશે. આ સિવાય અમદાવાદ પોલીસ દ્વારા આવા અસામાજિક તત્વોને રોકવા માટે વોટ્સએપ નંબર પણ રજૂ કરવામાં આવ્યો છે. જેમાં ભય ફેલાવનાર, લુખ્ખાગીરી કરનાર કે અન્ય કોઈ પ્રકારના ગેરકાયદે કૃત્ય કરનાર અસામાજિક તત્વો સામે ઝૂંબેશ શરૂ કરવામાં આવી છે. જે માટે કોઈપણ જાગૃત નાગરિક આવા ઈસમો વિશે વોટ્સએપ નંબર 63596 25365 પર ક્રાઈમ બ્રાન્ચને જાણ કરી શકો છો.
Users Today : 60
Total Users : 79368
Views Today : 107
Total views : 119153