પર્યાવરણ અને પ્રકૃતિની રક્ષા સહ ગ્લોબલ વોર્મિંગ જેવા પડકારોનો સામનો કરવા દેશના વડાપ્રધાનશ્રી નરેન્દ્રભાઇ મોદીના નિર્દેશાનુસાર પર્યાવરણ મંત્રાલય, ભારત સરકાર દ્વારા “એક પેડ મા કે નામ” અભિયાન શરૂ કરવામાં આવ્યું છે.
વડાપ્રધાનશ્રીના સંકલ્પને જન-જન સુધી પહોંચાડી પર્યાવરણની સુરક્ષા અને વિકાસના આ અભિયાનને વેગવંતુ બનાવવા રાજ્યના મુખ્યમંત્રી શ્રી ભૂપેન્દ્રભાઈ પટેલ તેમજ મંત્રી શ્રીમતી ભાનુબેન બાબરીયા દ્વારા મહિલા અને બાળ વિકાસ વિભાગ હેઠળની આંગણવાડીઓમાં ત્રણ લાખ છોડ વાવવાની પહેલ કરવામાં આવેલ છે.આ અભિયાન હેઠળ તારીખ ૫ ઓગસ્ટ ૨૦૨૪ના રોજ ડાંગ જિલ્લાના સંકલિત બાળ વિકાસ વિભાગ (આઈ.સી.ડી.એસ.) હેઠળ આહવા તાલુકામાં ૨૦૧૫ છોડ, સુબીર તાલુકામાં ૧૨૦૭ છોડ અને વઘઇ તાલુકામાં ૧૦૮૧ છોડ મળી કુલ ૪૩૦૩ છોડોનું આંગણવાડી કક્ષાએ લાભાર્થીઓ, વાલીઓ, આંગણવાડી કાર્યકર, તેડાગર તથા મુખ્ય સેવિકા, બાળ વિકાસ યોજના અધિકારીશ્રી, પ્રોગ્રામ ઑફિસરશ્રી, તેમજ સ્થાનિક આગેવાનો, પદાધિકારીશ્રો દ્વારા વૃક્ષારોપણ કરવામાં આવેલ છે.
Users Today : 7
Total Users : 79397
Views Today : 8
Total views : 119187