મહેસાણા જિલ્લામાં છેલ્લા બે-ચાર દિવસથી દિવસના તાપમાનનો પારો 30 ડિગ્રીથી વધુ ઉંચકાતાં લોકોને ઉનાળાની ગરમીનો અહેસાસ થઈ રહ્યો છે. ફેબ્રુઆરીના મધ્યમાં જ જાણે શિયાળાએ વિદાય લીધી હોય તેમ લાગી રહ્યું છે. બેવડી ઋતુના અનુભવ વચ્ચે હવામાન વિભાગે આગામી ગુરુવાર અને શુક્રવારે લઘુત્તમ તાપમાન ગગડવાની આગાહી કરી છે. પરિણામે, લોકોને પુન: ગરમ વસ્ત્રો પહેરવાની ફરજ પડી શકે છે. રાજ્ય હવામાન વિભાગના અનુમાન મુજબ મહેસાણા પંથકમાં મંગળવારથી સપ્તાહ સુધી મહત્તમ અને લઘુતમ તાપમાનનો પારો નીચે જશે.
પરિણામે લોકોને દિવસની ગરમીથી રાહત મળે તેવી સંભાવના છે. મહેસાણામાં સોમવારે મહત્તમ 31 ડિગ્રી અને લઘુતમ 16 ડિગ્રી તાપમાન નોંધાયું હતું. જ્યારે મંગળવારે મહત્તમ 30 ડિગ્રી અને લઘુતમ 19 ડિગ્રી, બુધવારે મહત્તમ 29 ડિગ્રી અને લઘુતમ 17 ડિગ્રી, ગુરુવારે મહત્તમ 29 ડિગ્રી અને લઘુતમ 12 ડિગ્રી તાપમાન રહેવાની સંભાવના સેવાઈ છે. જ્યારે શુક્રવારે મહત્તમ 28 ડિગ્રી અને લઘુતમ 11 ડિગ્રી, શનિવારે મહત્તમ 29 ડિગ્રી અને લઘુતમ 14 ડિગ્રી તેમજ રવિવારે મહત્તમ 30 ડિગ્રી અને લઘુતમ 18 ડિગ્રી તાપમાનની વકી સેવાઈ છે. ઉપરાંત મહેસાણા પંથકમાં બુધવાર અને રવિવારે આકાશમાં છુટ્ટા છવાયેલા વાદળથી વાતાવરણમાં ઠંડક રહે તેવી શક્યતા દર્શાવવામાં આવી છે. બે દિવસ બાદ ઠંડીનો ચમકારો વધશે તો લોકો પુન: ગરમ વસ્ત્રો પહેરી કડકડતી ઠંડીથી રક્ષણ મેળવતા નજરે પડશે.
Users Today : 8
Total Users : 79398
Views Today : 9
Total views : 119188