ભાવનગરનાં ધોલેરા-ભાવનગર હાઈવે પર સાંઢીડા નજીક હ્યુન્ડાઈ વરના અને મારૂતિ એસ-ક્રોસ કાર વચ્ચે અકસ્માત સર્જાતા ચાર લોકોનાં મોત નીપજ્યા હોવાનું સામે આવ્યું હતું. 
બનાવની વિગત એવી છે કે, ધોલેરા-ભાવનગર હાઈવે પર સાંઢીડા નજીક આજે બે કાર વચ્ચે ગંભીર અકસ્માતના બનાવને પગલે પોલીસ અને 108 એમ્બ્યુલન્સ ઘટના સ્થળે દોડી પહોંચી હતી. સમગ્ર ઘટનાને લઈને પોલીસે અકસ્માતનો ગુનો નોંધીને આગળની કાર્યવાહી હાથ ધરી હતી. તમને જણાવી દઈએ કે, અગાઉ 12 મે’ના રોજ ધોલેરા-ભાવનગર હાઈવે પર બે કાર વચ્ચે જોરદાર ટક્કર વાગતા અમદાવાદના 3 સગા ભાઈ સહિત 5 વ્યક્તિનાં મોત નીપજ્યા હતા.




