હિમાચલ પ્રદેશમાં વરસાદના કારણે હાલ ચારેબાજુ તબાહી છે. જયારે વહેલી સવારે લગભગ 4 વાગ્યે કુલ્લુના ટકોલી શાક માર્કેટ અને ટકોલી ફોરલેન વિસ્તારમાં ભારે વરસાદનાં કારણે તબાહી સર્જાઈ છે. અહીં પણ આભ ફાટ્યાની સ્થિતિ સર્જાઈ હતી જેના બાદ તબાહીના મંજર સામે આવ્યા હતા. જનપદની ઔટ તહસીલના કેટલાક વિસ્તારોમાં અચાનક પૂર જેવી ઘટનાઓ સામે આવી છે. પનારસા, ટકોલી અને નગવાઈમાં ફ્લેશ ફ્લડને કારણે ઘણું નુકસાન થયું છે. ટકોલીના મુખ્ય શાક માર્કેટમાં કાદવ અને કાંપ ઘૂસી જવાથી વેપાર સંપૂર્ણપણે ઠપ થઈ ગયો છે. હજારો શાકભાજી અને ફળોના બોક્સ બગડી ગયા છે. વેપારીઓનું કહેવું છે કે તેમને લાખો રૂપિયાનું નુકસાન થયું છે. ખેડૂતોએ પણ જણાવ્યું કે તેઓ ખૂબ મહેનત કરીને ખેતરોમાંથી શાકભાજી માર્કેટ સુધી લાવ્યા હતા.
પરંતુ કાદવ અને કાંપના કારણે બધું જ બગડી ગયું. ટકોલી વિસ્તારમાં કીરતપુર-મનાલી ફોરલેન પર એક નાળામાંથી અચાનક પાણી અને કાટમાળ રોડ પર આવી ગયો. જોતજોતામાં આખો રસ્તો બંધ થઈ ગયો. 
જેના કારણે ઘણા ઘરોમાં અને રસ્તાઓ પર પાણી અને કાટમાળ ફરી વળ્યો હતો અને ઘણા વાહનો પણ તેની ઝપેટમાં આવી ગયા હતા. વરસાદના કાટમાળના કારણે ચંડીગઢ-મનાલી નેશનલ હાઈવે પર વાહનવ્યવહાર બંધ થઈ ગયો છે. તેમજ હાઈવે પર ઘણી જગ્યાએ ભૂસ્ખલનની ઘટનાઓ પણ સામે આવી છે. જેના કારણે પણ રસ્તાઓ બંધ છે. અચાનક પૂર આવવાના કારણે પનારસા, ટકોલી અને નગવાઈમાં ભારે નુકસાન થયું છે. વહીવટીતંત્રની ટીમોએ તાત્કાલિક અસરથી રાહત અને બચાવ કામગીરી શરૂ કરી દીધી છે.
Users Today : 68
Total Users : 79376
Views Today : 119
Total views : 119165