વાપી ટાઉન પોલીસે બાતમીને આધારે વોચ ગોઠવીને બલીઠા ચેકપોસ્ટ પાસેથી વેસ્ટ કાગળની બોરીની આડમાં છુપાવીને ટેમ્પોમાં વહન કરી જવાતા ૨.૩૧ લાખના દારૂના જથ્થા સાથે એક શખ્સને ઝડપી પાડયો હતો. પોલીસે આ કિસ્સામાં સેલવાસના શખ્સ સામે પણ ગુનો નોંધી સાત લાખથી વધુનો મુદ્દામાલ કબજે કર્યો હતો. સુત્રો પાસેથી મળતી વિગતો એવી છે કે, વાપી ટાઉન પોલીસની ટીમ પેટ્રોલિંગમાં હતી.
તે સમયે એ.એસ.આઈ જગજીવનભાઈ દિનેશભાઈને ખાનગી રાહે બાતમી મળી હતી કે, એક ટાટા ટેમ્પોમાં તેનો ચાલક દમણથી વગર પાસ પરમિટનો ભારતીય બનાવટનો વિદેશી દારૂનો જથ્થો ભરી મલીઠા ચેકપોસ્ટ થઈને હાઇવે ઉપર થઈ સુરત તરફ જનાર છે. આ બાતમીને આધારે પોલીસે બલીઠા ચેકપોસ્ટ પાસે વોચ ગોઠવી હતી. જે દરમિયાન બાતમીવાળો ટાટા ટેમ્પો દમણ તરફથી આવતો જણાતા તેને ટોર્ચની લાઈટ બતાવી ચાલકને વાહન થંભાવવા પોલીસના જવાનોએ ઈશારો કર્યો હતો. આથી ચાલકે તેનો ટેમ્પો રોડ સાઈડે રોકી દીધો હતો.
ત્યારબાદ પોલીસે ટેમ્પોનો ફાળકો ખોલાવીને અંદર તપાસ કરતાં વેસ્ટ કાગળઓની બોરીઓ મળી આવી હતી. પોલીસે તે હટાવીને જોતા તેની નીચેથી ભારતીય બનાવટનો વિદેશી દારૂનો જથ્થો મળી આવ્યો હતો. ૨૯ બોક્સમાં મુકાયેલી દારૂની પ૨૮ બોટલ જેની કિંમત રૂપિયા ૨,૩૧,૬૦૦/- તથા ટેમ્પો મળી ૭,૩૭,૦૦૦/-નો મુદ્દામાલ જપ્ત કરીને પોલીસે ટેમ્પોના ચાલક મુકેશ મોહનલાલ પ્રજાપતિ (રહે.દાદરા)ની ધરપકડ કરી હતી. પોલીસે તેની પૂછપરછ કરતા તેણે આ દારૂનો જથ્થો ભરેલો ટેમ્પો તેને શ્રવણ ભવરલાલ સુથાર (રહે.સેલવાસ)એ આપ્યો હતો અને તે મોરાઈ ગામ સુધી લઈ જવા હોવાની કેફિયત કરી હતી. આખરે વાપી ટાઉન પોલીસ મથકે પ્રોહિબિશનનો ગુનો નોંધીને પોલીસ દ્વારા કાર્યવાહી હાથ ધરવામાં આવી હતી.
Users Today : 7
Total Users : 79397
Views Today : 8
Total views : 119187