હીરામાં મંદીના કારણે રત્નકલાકારે ફાંસો ખાઈ આત્મહત્યા કરી

સુરત જીલ્લાના કામરેજના શેખપુર ગામે આવેલી હરિદર્શન સોસાયટીમાં રહેતા અને મૂળ અમરેલી જિલ્લાના સતરાવા ગામના ૪૦ વર્ષીય મનસુખભાઈ ખોડાભાઈ સૌદરવા હીરાનું મજૂરી કામ કરતા હતા.

ત્યારે હીરામાં મંદી હોવાના કારણે મનસુખભાઈ આર્થિક સંકડામણમાં આવી જતા સતત તણાવમાં રહેવા લાગ્યા હતા. હતાશામાં મનસુખભાઈએ ઘરના રસોડાના રૂમમાં આવેલા પંખાના હૂક સાથે સાડી વડે ગળે ફાંસો લગાવી જીવ ટૂંકાવી લીધું હતું. બનાવની જાણ થતાં કામરેજ પોલીસે હાલ ગુનો નોંધી આગળની તપાસ હાથ ધરી હતી.

Author: Gujarat Samrajya