કામરેજ પોલીસ મથકનો ફરાર આરોપી ઝડપાયો

સુરત જિલ્લાનાં કામરેજ પોલીસ મથકે નોંધાયેલ ડુપ્લીકેટ ધી બનાવાના ગુન્હામાં નાસતા ફરતા વોન્ટેડ આરોપીને ઝડપી પાડી જરૂરી કાર્યવાહી હાથ ધરી હતી.

મળતી માહિતી મુજબ, સુરત ગ્રામ્ય એલ.સી.બી તથા પેરોલ ફર્લો પોલીસ સ્ટાફના માણસો આજરોજ સુરત જીલ્લા વિસ્તારમાં નાસતા ફરતા તથા વોન્ટેડ આરોપીઓને શોધી કાઢવા માટે પેટ્રોલીંગમાં હતા.

તે દરમ્યાન ખાનગી રાહે બાતમી મળી હતી કે, કામરેજ પોલીસ સ્ટેશનમાં ડુપ્લીકેટ ઘી બનાવાના ગુન્હામાં નાસતો ફરતો વોન્ટેડ આરોપી પરેશ મગનભાઈ ઉર્ફે માવજીભાઈ સાવલીયા (ઉ.વ.૩૬., રહે.સ્ટાર મનોરથ એપાર્ટમેન્ટ, બિલ્ડીંગ નં.એફ-૧, ફ્લેટ નં.૧૦૩, પ્રથમ માળ, ખોલવડ તા.કામરેજ જી.સુરત મુળ.નવા પીપળીયા તા.જી.જુનાગઢ)ને તેના તેના ઘરેથી ઝડપી પડ્યો હતો. ત્યારબાદ તેની કડક પુછપરછ કરી આગળની વધુ કાયદેસરની કાર્યવાહી માટે કામરેજ પોલીસ સ્ટેશનને સોંપવામાં આવ્યો હતો.

Author: Gujarat Samrajya