કીમ ચોકડી પાસેથી ફરાર બે આરોપી ઝડપાયા

પોલીસે બાતમીના આધારે બે ફરાર આરોપીઓને ઝડપી પાડયા હતા. કોસંબા પોલીસ સ્ટેશનમાં નોંધાયેલા ગેસ રિફિલિંગના ગુનાનો વોન્ટેડ આરોપી કીમ ચોકડી પાસે ઊભો હોવાની એસઓજી પોલીસને બાતમી મળી હતી.

પોલીસે સ્થળ પરથી આરોપી નારણલાલ પ્રેમચંદ ખટીક (રહે.ચિત્રકૂટ રો હાઉસ, કીમ ચાર રસ્તા, તા.માંગરોળ, મૂળ રહે.બાગોલ, જિ. રાજસમદ, રાજસ્થાન)ની અટક કરી કોસંબા પોલીસ મથકનાં પ્રાણી ક્રૂરતા નિવારણ અધિનિયમના ગુનાના વોન્ટેડ આરોપી મોહમ્મદ સઈદ માંજરા (રહે.રંદેરા ફળિયું, કોસાડી ગામ, તા.માંગરોળ)ને કઠવાડા ગામના બસ સ્ટેન્ડ પાસેથી દબોચી લીધો હતો. એસ.ઓ.જી.એ બંને આરોપીઓને કોસંબા પોલીસને સુપ્રત કર્યા હતા.

Author: Gujarat Samrajya