ઘરમાંથી બે મોબાઈલ અને ટીવી ચોરી થયાની ફરિયાદ નોંધાવી

કામરેજના વલથાણ ખાતે મકાનનો દરવાજો ખુલ્લો હોવાનો લાભ તસ્કરોએ ઉઠાવ્યો હતો. તસ્કરો ઘરમાંથી ૨૮ હજારનાં બે મોબાઈલ ફોન અને ટીવી ચોરી ગયા હતા.

સુત્રો પાસેથી મળતી માહિતી મુજબ, કામરેજ પોલીસની હદમાં આવેલ વલથાણ ખાતે રહેતા જગદીશભાઈ ભીમાભાઈ મોરી ડોક્ટર છે. તેમના મકાનનો દરવાજો ખુલ્લો રહી ગયો હતો. તે દરમિયાન ચોરો તેમના મકાનને નિશાન બનાવી રૂમમાં મૂકેલ બે મોબાઈલ ફોન અને ટીવી મળી કુલ ૨૮ હજારની મતા ચોરી કરી ફરાર થઈ ગયા હતા. ચોરીની જાણ જગદીશભાઈને થઈ કામરેજ પોલીસ મથકે ફરિયાદ કરવી હતી. આમ, પોલીસે અજાણ્યા ચોરો વિરુદ્ધ ગુનો નોંધી આગળની તપાસ હાથ ધરી હતી.

Author: Gujarat Samrajya