કલોલનાં વડસર ગામે જૂની અદાવતમાં બે પક્ષે એકબીજા ઉપર હિંસક હુમલો કર્યો

કલોલ તાલુકાનાં વડસર ગામે જૂની અદાવતમાં એકબીજા ઉપર હિંસક હુમલો કરવામાં આવ્યો હતો જેના પગલે ગામમાં ભારે ચકચાર મચી જવા પામી હતી. લોખંડની પાઇપ લાકડીનાં ધોકા વગેરેથી એકબીજા ઉપર હુમલો કરવામાં આવ્યો હતો. જેમાં ત્રણથી વધુ લોકોને ઇજાઓ પહોંચી હોવાથી તેમને સારવાર માટે હોસ્પિટલમાં લઈ જવામાં આવ્યા હતા પોલીસે બંને પક્ષોની સામ સામે ફરિયાદ દાખલ કરી હતી અને ગુનામાં સંડોવાયેલા બાર આરોપીઓની ધરપકડ કરવામાં આવી હતી.

બનાવની વિગત એવી છે કે, કલોલ તાલુકાનાં વડસર ગામે મારામારીનો બનાવ બન્યો તો જે અંગે પોલીસ મથકમાં બંને પક્ષોની સામસામે ફરિયાદ દાખલ કરવામાં આવી હતી. જેમાં મિતેશ ગોપાલજી ઠાકોર એ ઈશ્વરજી વાઘાજી ઠાકોર તથા પોપટજી બાબુજી ઠાકોર અને શૈલેષજી બાબુજી ઠાકોર તથા સુનિલજી શૈલેષજી ઠાકોર તથા વિજયજી નટવરજી ઠાકોર અને અનિલજી ઠાકોર અને રાજુજી વેચાતજી ઠાકોર સામે ફરિયાદ નોંધાવી હતી. સામે પક્ષે પોલીસ મથકમાં વિજયજી નટવરજી ઠાકોરે વિજય કલ્પેશજી ઠાકોર તથા પ્રવીણજી બાબુજી ઠાકોર અને મિતેશજી ગોપાલજી ઠાકોર તથા સંજયજી ગણપતજી ઠાકોર અને વિક્રમજી ઘનતાજી ઠાકોર સામે ફરિયાદ નોંધાવી છે બંને પક્ષોએ જૂની અદાવતમાં એકબીજા ઉપર લોખંડની પાઇપ અને લાકડીઓ વડે હુમલો કર્યો હતો જેમાં ત્રણથી વધુ લોકો ઘાયલ થયા હતા તેમને સારવાર માટે હોસ્પિટલમાં ખસેડવામાં આવ્યા હતા. બનાવ અંગે સાથે જ પોલીસે બંને પક્ષોની ફરિયાદ દાખલ કરી હતી અને ૧૨ આરોપીઓની ધરપકડ કરવામાં આવી હતી.

Author: Gujarat Samrajya