રાજકીય અને સામાજિક પદ ધરાવતી વ્યકિત પાસે સારા કાર્યોની આશા રાખવામાં આવે છે. જો કોઇ સાંસદ પર ચોરી કરવાનો આરોપ મૂકવામાં આવે તો સૌ ચોંકી ઉઠે તે સ્વભાવિક છે. ન્યૂઝીલેન્ડમાં આવા જ ચોંકાવનારા સમાચાર સપાટી પર આવ્યા છે. ન્યૂઝીલેન્ડના મહિલા સાંસદ પર દુકાનોમાંથી મોંઘા અને વૈભવી કપડા ચોરી કરવાનો આરોપ ત્રણ વખત મૂકવામાં આવ્યો છે. વીડિયો સામે આવ્યા પછી મહિલા સાંસદને રાજીનામું આપવાની ફરજ પડી છે. પોલીસ કેસની તપાસ કરી રહી છે. ગ્રીન પાર્ટીના સાંસદ ગોલરિઝ ઘરમન પર આ આરોપ મૂકવામાં આવ્યો છે.
તેમના પર આરોપ મૂકવામાં આવ્યો છે કે તેમણે ઓકલેન્ડ અને વેલિંગટનમાં બે અલગ અલગ દુકાનોમાંથી એક વખત નહીં પણ ત્રણ વખત મોંઘા કપડાની ચોરી કરી હતી. સંયુક્ત રાષ્ટ્રના માનવાધિકાર વકીલ ગોલરિઝે 2017માં પોતાના પક્ષનું ન્યાય વિભાગ પણ સંભાળ્યું હતું. આ આરોપ અંગે તેમણે જણાવ્યું છે કે, કામ સાથે સંકળાયેલા તણાવને કારણે તેમનો વ્યવહાર સંપૂર્ણ રીતે અયોગ્ય જોવા મળ્યો છે. તેમણે વધુમાં જણાવ્યું છે કે, મેં અનેક લોકોને નિરાશ કર્યા છે અને મને આ બાબતનો ખૂબ જ ખેદ છે. ગોલરિઝ બાળપણમાં જ પોતાના પરિવાર સાથે ઇરાન ભાગી ગયા હતાં. ત્યારબાદ ન્યૂઝીલેન્ડમાં તેમને રાજકીય શરણ આપવામાં આવ્યા હતાં.
Users Today : 8
Total Users : 79398
Views Today : 9
Total views : 119188