દેશની રાજધાની દિલ્હીમાં એક સનસનીખેજ ઘટના સામે આવી છે. શનિવારે પૂર્વ દિલ્હીના શશિ ગાર્ડન વિસ્તારમાંથી બે બાળકોના મૃતદેહ મળી આવ્યા હતા. શશી ગાર્ડન પાસેની શેરી નંબર 6માં આવેલા એક ઘરમાંથી બે બાળકોની આ લાશ મળી આવી હતી. ઘટનાસ્થળે બે મૃત બાળકોની સાથે એક મહિલા પણ લોહીના ખાબોચિયામાં પડેલી હતી. જે મૃતક બાળકોની માતા હોવાનું કહેવાય છે. પોલીસે ગંભીર રીતે ઘાયલ મહિલાને હોસ્પિટલમાં દાખલ કરી છે. ઘટના સ્થળે પહોંચીનેમામલાની તપાસ શરૂ કરી હતી.
આ મામલાની વધુ માહિતી આપતાં પોલીસ ટીમે જણાવ્યું કે પીસીઆરને શનિવારે બપોરે 2 વાગ્યે શશિ ગાર્ડન વિસ્તારમાં 42 વર્ષીય શ્યામ જીના ગુમ થવાની માહિતી મળી હતી. ફોન પર જણાવવામાં આવ્યું હતું કે શુક્રવારથી તેમના ઘરને તાળું લાગેલું છે. મામલાની માહિતી મળતા જ પોલીસની ટીમ તાત્કાલિક ઘટનાસ્થળે પહોંચી ગઈ હતી. તેના ઘરને બહારથી તાળું મારેલું જોવા મળ્યું. દરવાજો ખોલીને જોયું તો રૂમની અંદર બે સગીર બાળકો મૃત હાલતમાંપડ્યાં હતાં. જેમાંથી એક પુત્રની ઉંમર આશરે 15 વર્ષની હતી અને બીજી 9 વર્ષની પુત્રીની હતી. તેની માતા લોહીથી લથપથ અને બેભાન અવસ્થામાં નજીકમાં પડી હતી. બંને બાળકોના મૃતદેહનો કબજો લઈ મહિલાને હોસ્પિટલ લઈ જવામાં આવી હતી. પોલીસે જણાવ્યું કે ગુમ થયેલા શ્યામજીનો હજુ સુધી કોઈ પત્તો મળ્યો નથી. પોલીસ તેમને શોધવામાં વ્યસ્ત છે. ક્રાઈમ ટીમ અને એફએસએલની ટીમને ઘટના સ્થળે બોલાવવામાં આવી છે. આ સમગ્ર મામલે કાયદેસરની કાર્યવાહી ચાલી રહી છે.
Users Today : 135
Total Users : 66416
Views Today : 199
Total views : 99826