ગળે ફાંસો ખાધેલ હાલતમાં ઈસમની લાશ મળી

સુરત જિલ્લાનાં ધાણાવડ ગામની સીમમાં ૪૫ વર્ષીય ઈસમની ઝાડની ડાળી સાથે દોરડું બાંધી ગળે ફાંસો ખાધેલી હાલતમાં ડીકમ્પોઝ લાશ મળી આવવાના મામલે ઉમરપાડા પોલીસ મથકે ગુનો નોંધાયો હતો.

મળતી માહિતી અનુસાર, માંગરોળનાં ઝંખવાવ ગામે મિશન ફળિયામાં રહેતા ૪૫ વર્ષીય જીતેશભાઈ રમેશભાઈ ચૌધરીની ઉમરપાડા પોલીસની હદમાં ધાણાવડ ગામની સીમમાં જંગલ ખાતાની ધાંટાબીટ કમ્પાર્ટમેન્ટ નં.૩૬માં આવેલા જંગલમાં દેવઘાટ ઇકો ટૂરિઝમ કેમ્પ સાઇડની પાછળ આવેલ કોતરની ખાડીમાં કુસુમના ઝાડની ડાળી સાથે દોરડું બાંધી કોઈક કારણસર ગળે ફાંસો ખાધેલી હાલતમાં ડીકમ્પોઝ લાશ મળી હોવાની જાણ ઉમરપાડા પોલીસને કરવામાં આવી હતી. આમ, પોલીસે તાત્કાલિક ધોરણે બનાવના સ્થળે દોડી જઈ લાશનો કબજો લઈ આગળની તપાસ હાથ ધરી હતી.

Author: Gujarat Samrajya