વીજ કરંટ લાગતાં યુવકનું મોત નિપજ્યું

સુરત જિલ્લાના બારડોલી તાલુકાના મઢી સ્યાદલા રોડ પર આવેલી પી.એ.સી. બાયો ફંગબેસ્ટ પ્રાઈવેટ લિમિટેડ કંપનીમાં મશીન પર કામ કરતા યુવકને વીજ કરંટ લાગતા મોત થયું હતું.

મૃતક યુવક માણેકપોર ગામે રહેતો અને ૨૫ વર્ષીય રીતેશ રાજુભાઈ હળપતિની ઓળખ થઈ હતી. અન્ય કામદારોને પણ વીજ કરંટ લાગ્યો હતો. તેઓનો આબાદ બચાવ થયો હતો. મૃતક રિતેશ હળપતિ છેલ્લા અઢી વર્ષથી કંપનીમાં કામ કરતો હતો. તેના મોતથી પરિવારમાં માતમ છવાઈ ગયો છે. બનાવ અંગે મઢી આઉટ પોસ્ટ પોલીસે અકસ્માત મોતનો ગુનો નોંધી આગળની કાર્યવાહી હાથ ધરી હતી.

Author: Gujarat Samrajya