ISRO એ તેનો સૌથી હાઇટેક વેધર સેટેલાઇટ Insat-3DS લોન્ચ કર્યો. INSAT-3DS ને જીઓસિંક્રોનસ લોંચ વ્હીકલ (GSLV) થી લોન્ચ કરવામાં આવ્યું છે. ISRO દ્વારા શનિવારે (17 ફેબ્રુઆરી 2024) સાંજે 5.35 વાગ્યે INSAT-3DS લોન્ચ કરવામાં આવ્યું હતું. ઈસરોના વડાએ કહ્યું કે INSAT-3DS મિશનનો ઉદ્દેશ્ય હવામાન, આબોહવા અને ચક્રવાત પર નજર રાખવાનો છે. જેથી કરીને હવામાન અને આફતની સચોટ માહિતી મેળવી શકાય. INSAT-3DS મિશનને 10 વર્ષ સુધી અવકાશમાં ચલાવવા માટે ડિઝાઇન કરવામાં આવ્યું છે, જેનો ઉદ્દેશ્ય ભારતના પર્યાવરણીય દેખરેખ, સમુદ્ર અવલોકનો, હવામાનની આગાહી અને કુદરતી આપત્તિ વખતે રાહત કામગીરીને વેગ આપવાનો છે.
