મોટા ચિલોડા વિસ્તારમાં આવેલી એક હોટલમાં વહીવટી તંત્રના જાહેરનામાના નિયમોનું ઉલ્લંઘન થતું હોવાનું સામે આવતા એસ.ઓ.જી. પોલીસે કાયદેસરની કાર્યવાહી હાથ ધરી છે.
મળતી માહિતી પ્રમાણે એસ.ઓ.જી. ગાંધીનગરના પોલીસ કર્મચારીઓ જ્યારે ચિલોડા વિસ્તારમાં હોટલ ચેકિંગમાં હતા, ત્યારે મોટા ચિલોડા સર્વિસ રોડ પર આવેલ સેતુ સ્કવેર કોમ્પલેક્સમાં ત્રીજા માળે આવેલી ‘સાવરીયા હોટલ’ ની તપાસ કરવામાં આવી હતી. તપાસ દરમિયાન માલૂમ પડ્યું હતું કે હોટલના સંચાલકો દ્વારા સરકારી નિયમોનું પાલન કરવામાં આવી રહ્યું નહોતું. પોલીસ તપાસમાં હોટલમાં રોકાવા આવતા મુસાફરોના નજીકના સગાની કોઈ ઓળખ રજીસ્ટરમાં દર્શાવવામાં આવી નહોતી,મુસાફરોના અંગૂઠાના નિશાન લેવામાં આવ્યા નહોતા,સાફરો જે વાહનમાં આવ્યા હોય, તે વાહનના રજીસ્ટ્રેશન નંબરની પણ કોઈ નોંધ રાખવામાં આવી નહોતી મુજબની ક્ષતિઓ જણાઈ હતી.આ બેદરકારી બદલ હોટલ માલિક વિક્રમસિંહ સંભુસિંહ રાવ (રહે. ખોડાજ, ઉદયપુર, રાજસ્થાન) વિરુદ્ધ ગુનો નોંધવામાં આવ્યો છે.
