પુનામાં શુક્રવારની રાતે એક ચોંકાવનારી ઘટના સામે આવી છે. જેમાં એક ટ્રક ડ્રાઇવરને જમવાનું ન મળતા ટ્રક હોટલમાં ઘુસાડી દીધી હતી. જેના કારણે હોટલને ઘણું નુકસાન થયું હતું. તેમજ પાર્કિંગમાં પાર્ક વાહનોને પણ ઘણું નુકસાન થયું છે. હોટેલમાં ટ્રક ઘુસાડી દેવાનો વીડિયો હાલ સોશિયલ મીડિયામાં ખૂબ જ વાયરલ છે. જેમાં જોઈ શકાય છે કે ડ્રાઇવર વારંવાર હોટલના ગેટ સાથે ટ્રક અથડાવે છે. આ દરમિયાન તેણે ત્યાં પાર્ક કરેલી કારને પણ ટક્કર મારી હતી. મામલાની માહિતી મળતાં જ પોલીસ ત્યાં પહોંચી અને તેની ધરપકડ કરી. વીડિયોમાં ટ્રક ચાલક નશાની હાલતમાં જોવા મળી રહ્યો છે.
મળતી માહિતી મુજબ, ટ્રક ચાલક સોલાપુરથી પૂના જઈ રહ્યો હતો. તે દરમિયાન તે જમવા માટે ગોકુલ હોટલમાં રોકાયો હતો. અહીં ટ્રક રોક્યા બાદ તે હોટલની અંદર ગયો અને જમવાનું માંગ્યું. કહેવાય છે કે, હોટલના માલિકે તેને જમવાનું આપવાની ના પાડી દીધી હતી. આ પછી તે પાછો તેની ટ્રક પાસે ગયો અને તેને સ્ટાર્ટ કરીને હોટલના પ્રવેશદ્વાર તરફ હંકારી ગયો. ત્યાં તેણે બિલ્ડિંગને નુકસાન પહોંચાડવાનું શરુ કર્યું. ટ્રક ડ્રાઇવરને આવું કરતાં જોઈને આસપાસના લોકો તેની તરફ દોડી આવ્યા હતા. લોકોએ બહારથી બૂમો પાડીને તેને રોકવાનો પ્રયાસ કર્યો હતો.
પરંતુ તે રોકાયો નહીં. તે પ્રવેશદ્વારનો અમુક ભાગ ટ્રક સાથે સતત અથડાવીને તોડી નાખે છે. વીડિયોમાં જોવા મળી રહ્યું છે કે, ટ્રક ડ્રાઇવરને રોકવા માટે લોકો સામેથી પથ્થર પણ ફેંકે છે. થોડીવાર પછી ટ્રક ઊભી રહે છે. આ પછી ત્યાં એકઠા થયેલા લોકોએ તેને ટ્રક રોકીને નીચે આવવા કહ્યું. ડ્રાઇવર પોતાની જગ્યાએ જ બેસીને ઇશારા કરીને કંઈક સમજાવે છે, પણ સમજાતું ન હોવાથી લોકો એની પાસે પહોંચે છે ત્યારે જાણવા મળ્યું કે તે જમવાની વાત કરી રહ્યો હતો. થોડી વાર પછી તે પોતાની સીટ પર જ બેઠાં બેઠાં રડવા લાગે છે. સીટ પર બેસીને કંઈક સહી કરે છે, પણ સમજી શકતો નથી. ત્યાં સુધીમાં વીડિયો બનાવનાર વ્યક્તિ તેની પાસે પહોંચી જાય છે. ધ્યાનથી સાંભળવા પર, તે સ્પષ્ટ થઈ જાય છે કે તે ખોરાક વિશે વાત કરી રહ્યો હતો. થોડી વાર પછી તે પોતાની સીટ પર બેસીને રડવા લાગે છે.
Users Today : 7
Total Users : 79397
Views Today : 8
Total views : 119187