ઘાણી ગામનાં ખેડૂત સાથે છેતરપીંડી, રૂપિયા ૫૪ હજારની થઈ છેતરપીંડી

ડોલવણનાં ઘાણી ગામનાં ખેડૂતને કોઇ અજાણ્યા ઇસમે મારો છોકરો સુરત હોસ્પિટલમાં એડમીટ છે અને મારા ગુગલ પે માંથી પૈસા ટ્રાન્ફર થતા નથી જેથી મારો ઓળખાણ વાળો એક ભાઇ તમારા ખાતામાં પૈસા નાંખે તો તમને જે મોબાઇલ નંબર મોકલું તેમાં પૈસા મોકલી આપજો તેવી વાત કરી વિશ્વાસમાં લઈ રૂપિયા ૫૪,૦૦૦/- છેતરપીંડી કરનાર સામે સોનગઢ પોલીસ મથકે ફરિયાદ નોંધવામાં આવી હતી. મળતી માહિતી મુજબ, ડોલવણ તાલુકાનાં ઘાણી ગામનાં રાજપૂત ફળિયામાં રહેતા ખેડૂત દિલીપસિંહ ભીખુસિંહ પરમારએ તારીખ ૩૦/૦૪/૨૦૨૫ નાંરોજ સાંજે એક મોબાઈલ પરથી ફોન કરનાર કોઇ અજાણ્યા ઇસમે મારો છોકરો સુરત હોસ્પિટલમાં એડમીટ છે અને મારા ગુગલ પે માંથી પૈસા ટ્રાન્ફર થતા નથી.

જેથી મારો ઓળખાણ વાળો એક ભાઇ તમારા ખાતામાં પૈસા નાંખે તો તમે હું જે મોબાઇલ નંબર મોકલુ તેમાં પૈસા મોકલી આપજો તેવી વાત દિલીપસિંહ સાથે કરી વ્હોટ્સએપ નંબર ૯૮૨૫૬૮૩૨૭૫ ઉપર મોબાઈલ નંબર ૮૯૬૨૧૮૯૬૮૪થી પ્રથમ રૂપિયા ૪૫,૫૦૦/- ત્યારબાદ રૂપિયા ૬૦,૦૦૦/- UPI 9428629416@yblમાં જમા થયેલા હોય તેવા સ્ક્રીનશોર્ટ તથા બીજા જગદીશ કુમાર નામના ગુગલ પે માંથી દિલીપસિંહનાં ખાતામાં ૪૫,૫૦૦/- તથા ૬૦,૦૦૦/ આવેલ હોય તેવા સ્ક્રીનશોર્ટ વોટ્સઅપ ઉપર મોકલતા દિલીપસિંહએ તેના ખાતામાંથી પહેલા રૂપિયા ૨૦,૦૦૦/- ટ્રાન્સફર કરેલ ત્યારબાદ રૂપિયા ૨૦,૦૦૦/-, રૂપિયા ૫૦૦૦/- મળી કુલ રૂપિયા ૪૫,૦૦૦/- ટ્રાન્સફર કરેલ હતા. ત્યારબાદ સામાવાળા અજાણ્યાએ બીજો મોબાઈલ નંબર ૯૦૩૪૫૨૧૮૯૬ shenwaz UP19034521896@suparyes UPI9034521896@suparyes નાએ મોકલેલો તેના ઉપર બીજા ફરીથી રૂપિયા ૯,૦૦૦/- ટ્રાન્સફર કરવી એમ કુલ રૂપિયા ૫૪,૦૦૦/- દિલીપસિંહને વિશ્વાસમાં લઈ ટ્રાન્સફર કરાવી વિશ્વાસઘાત અને ઠગાઇ કરી હતી. બનાવ અંગે દિલીપસિંહ ભીખુસિંહ પરમારએ તારીખ ૨૯/૦૫/૨૦૨૫ નાંરોજ અજાણ્યા ઠગબાજ સામે ફરિયાદ નોંધાવી હતી.

Author: Gujarat Samrajya