કોસંબામાં ચેકીંગ દરમ્યાન ૪૭ લાખ રૂપિયાની વિજ ચોરી પકડાઈ

સુરત જિલ્લાનાં કોસંબા ખાતે વહેલી સવારે દ.ગુ. વીજ કંપનીની વિજિલન્સની ટીમ ત્રાટકી હતી જેમાં આકસ્મિક હાથ ધરેલ ચેકીંગ દરમ્યાન ૪૭ લાખ રૂપિયાની વિજ ચોરી ઝડપી પાડી હતી. મળતી માહિતી મુજબ, કોસંબાના રહેણાંક વિસ્તારોમાં છેલ્લા ઘણા સમયથી મોટા પાયે વિજ ચોરી થઈ રહી હતી.

દ.ગુ.વીજકંપનીને વીજલોશ જણાતા આખરે કાર્યવાહી હાથ ધરી હતી. દ.ગુ. વીજકંપનીની વિજિલન્સની ૩૭ જેટલી ટીમોએ કોસંબામાં વહેલી સવારે ચેકીંગ હાથ ધર્યુ હતુ. કોસંબાના વિવિધ વિસ્તારોમાં કુલ ૧૭૬૫ વિજ ગ્રાહકોને ત્યાં મીટરો ચેક કરાયા હતા લોકો ઊંઘતા હતા ત્યારે જ વીજકર્મચારીઓ ઘરોમાં ત્રાટક્યાં હતા. જેમાં ૫૭ ગ્રાહકોને ત્યાંથી વિજ ચોરી પકડાઈ હતી. ગેરરીતિ કરતા ગ્રાહકોને ૪૭ લાખ રૂપિયાનો દંડ ફટકારવામાં આવ્યો હતો. લાઈનલોશ ધરાવતા આવનાર દિવસોમાં પણ અન્ય ગામોમાં પણ વીજ ચેકિંગ કરાશે.

Author: Gujarat Samrajya