Volkswagen ID.4ની ડિઝાઇન વિશે વાત કરીએ તો, તેમાં ‘VM’ લોગો, શાનદાર બોનેટ, પ્રોજેક્ટર LED હેડલેમ્પ્સ, LED ટેલલાઇટ્સ, 21-ઇંચના એલોય વ્હીલ્સ, 3D ક્લસ્ટર ડિઝાઇન અને સ્કિડ પ્લેટ્સ સાથે સ્ટાઇલિશ ગ્રિલ છે. આ ઇલેક્ટ્રિક કારમાં પેનોરેમિક સનરૂફ, પાવર્ડ ફ્રન્ટ સીટ્સ, એમ્બિયન્ટ લાઇટિંગ, ડિજિટલ ઇન્સ્ટ્રુમેન્ટ ક્લસ્ટર, ઓટોમેટિક ક્લાઇમેટ કંટ્રોલ અને ઘણા કનેક્ટિવિટી વિકલ્પો સાથે 10-ઇંચની ઇન્ફોટેનમેન્ટ પેનલ છે.
Volkswagen ID 4 EVમાં ડ્યુઅલ મોટર ઓલ વ્હીલ ડ્રાઇવ સેટઅપ આપવામાં આવ્યું છે. તેમાં 82 kWhની બેટરી પેક હશે. એકવાર સંપૂર્ણ ચાર્જ થયા પછી, ઇલેક્ટ્રિક કાર 500 કિલોમીટર સુધીની રેન્જ મેળવી શકે છે. નવી ફોક્સવેગન કારનું પાવરટ્રેન સેટઅપ 299 hpનો પાવર અને 499 Nmનો પીક ટોર્ક જનરેટ કરશે. કારની ટોપ સ્પીડ 180 કિલોમીટર પ્રતિ કલાક છે. આ EV માત્ર 6 સેકન્ડમાં 0 થી 100 કિલોમીટર પ્રતિ કલાકની ઝડપ પકડી શકે છે. આ ઇલેક્ટ્રિક એસયુવી ઘણા બધા પાવરટ્રેન વિકલ્પોમાં આવશે, જેમાં સિંગલ મોટર અને રીઅર વ્હીલ ડ્રાઇવ, ડ્યુઅલ મોટર અને તમામ વ્હીલ ડ્રાઇવ વિકલ્પોનો સમાવેશ થશે. હાલમાં Volkswagen ID.4ની કિંમતો જાહેર કરવામાં આવી નથી.
