અમદાવાદમાં ફરિયાદ નહિં નોંધનાર ચાર પોલીસકર્મીને તાત્કાલિક સસ્પેન્ડ કરાયા

અમદાવાદ પોલીસબેડામાં મોટી કાર્યવાહી કરવામાં આવી હોવાના અહેવાલ પ્રાપ્ત થયા હતા. જેમાં મેઘાણીનગર પોલીસ સ્ટેશનમાં મારામારીની ફરિયાદ નોંધાવા પહોંચેલા યુવકને હાજર કર્મીએ શિફ્ટ પૂરી થઈ ગઈ હોવાનું કહીને ફરિયાદ નોંધી ન હતી. જેથી ફરિયાદીએ ઝોન-4ના ડીસીપી કાનન દેસાઈને ફોન કરી જાણ કરતાં તેમણે પોલીસે સ્ટેશનની મુલાકાત લઈને 4 પોલીસ કર્મીઓને તાત્કાલિક સસ્પેન્ડ કર્યા છે.

મળતી માહિતી અનુસાર મેઘાણીનગર પોલીસ સ્ટેશનના ઇન્કવાયરી રૂમમાં હાજર પોલીસ કર્મીએ શિફ્ટ પૂરી થતાં અરજદારની ફરિયાદ લીધી ન હતી. પોલીસકર્મીની બેદરકારીના લીધે ફરિયાદી યુવક સાથે ફરીથી મારામારીની ઘટના બની હતી. આ ઘટનાની ગંભીરતાને ધ્યાને લઈને ઝોન-4ના ડીસીપી કાનન દેસાઈએ ઇન્કવાયરી ઇન્ચાર્જ પંકજ કુમાર દશરથ, રાઇટર ચિરાગકુમાર અશોકભાઈ, PSO અમિતકુમાર વિજયભાઈ અને રાઇટર કિંજલબેન વિઠ્ઠલભાઈને તાત્કાલિક સસ્પેન્ડ કર્યા હતા.

Author: Gujarat Samrajya