ડાંગ જિલ્લામાં ૫’મી કરાટે ચેમ્પિયનશિપ ૨૦૨૫ યોજાઇ

ડાંગ જિલ્લા કરાટે એસોસિએશન ઓફ ડાંગ દ્વારા તારીખ ૦૨ એપ્રિલ ૨૦૨૫ નારોજ આહવા ખાતે ૫ મી કરાટે ચેમ્પિયનશિપ- ૨૦૨૫નું જિલ્લા કક્ષા કરાટે ચેમ્પિયનશિપનું આયોજન કરવામાં આવ્યું હતું. જેમાં ડાંગ જિલ્લાની પ્રાથમિક, માધ્યમિક અને ઉચ્ચત્તર માધ્યમિક શાળાઓ મળી કુલ ૩૫ સરકારી શાળાના ૨૦૦ વિદ્યાર્થીઓએ ભાગ લીધો હતો. અહિં વિજેતા વિદ્યાર્થીઓને મેડલ અને પ્રમાણપત્ર એનાયત કરવામાં આવ્યાં હતાં.

આ સ્પર્ધામાં પસંદગી પામેલા ખેલાડીઓ આગામી રાજ્ય કક્ષાની ચેમ્પિયનશિપ માટે જિલ્લાનું પ્રતિનિધિત્વ કરશે. ઉલ્લેખનીય છે કે, ડાંગ જિલ્લાના જિલ્લા વિકાસ અધિકારીશ્રી અને જિલ્લા પ્રાથમિક શિક્ષણ અધિકારીશ્રીની આગેવાની હેઠળની સમગ્ર શિક્ષા અભિયાન હેઠળ શરૂ કરવામાં આવેલ રાણી લક્ષીબાઈ આત્મરક્ષા, પ્રશિક્ષણ સ્વ-રક્ષણ, તાલીમ પ્રોજેક્ટ હેઠળ ભણતાં વિદ્યાર્થીઓ માટે આ કાર્યક્રમનું આયોજન કરવામાં આવેલ હતું. કરાટે રમતનો આ તાલીમ પ્રોજેક્ટ કોર્ષ ગુજરાત સરકારના આદિજાતિ વિકાસ વિભાગ દ્વારા શરૂ કરવામાં આવેલ છે. જેને TASP વિભાગ દ્વારા અમલી બનાવવામાં આવેલ છે.

Author: Gujarat Samrajya