વડોદરા પોલીસે જુદા-જુદા સ્થળે દરોડા પાડી દારૂના જથ્થા સાથે ખેપિયાઓને પકડયા હતા. જે પૈકી ડીસીપી પન્ના મોમાયાના નેજા હેઠળ સમા પોલીસે દારૂ ભરેલી પીકઅપ વાન ઝડપી પાડી હતી. સમા પોલીસ પેટ્રોલિંગમાં હતી તે દરમિયાન સમા કેનાલ પાસે દારૂ ભરેલી વાન હોવાની માહિતી મળતાં સમાના પી.આઇ. સ્ટાફ મારફતે દરોડો પડાવ્યો હતો. જે દરમિયાન પોલીસે એક વાનને ઝડપી પાડી તેમાંથી રૂ.૨.૬૮ લાખની કિંમતની વિદેશી શરાબની ૨૬૧૬ નંગ બોટલ મળી આવી હતી.
સમા પોલીસે ઇસ્માઇલ જોરસિંગ મંડોર (રહે.સીલાકોટા,લિમખેડા,દાહોદ) અને રિન્કુ સીતારામ ગુપ્તા (ડિફેન્સ કોલોની,સમા હાલ રહે.કસ્તુરબા નગર,સમા)ને ઝડપી પાડયા હતા. જ્યારે,સાહિદ ઉર્ફે એટીએમ મુસ્તકિમ શેખ(એકતા નગર,છાણી)ને વોન્ટેડ જાહેર કર્યો છે. આવી જ રીતે ક્રાઇમ બ્રાન્ચના પી.આઇ.ની ટીમે કારેલીબાગ જલારામ નગર-૧ ખાતે દરોડો પાડી રોનક ઉર્ફે ચટણી દિલીપભાઇ પરમારને ઝડપી પાડી રૂ.૨૫ હજારની કિંમતની દારૂની ૧૫૯ બોટલ કબજે કરી હતી. જ્યારે અનિકેત દળવી(રહે.હરણી) અને વેનીરામ મારવાડી (રહે.રાજસ્થાન)નાને વોન્ટેડ જાહેર કર્યા હતા.
Users Today : 72
Total Users : 66353
Views Today : 103
Total views : 99730