વાંકલ ગામે કારમાંથી રૂપિયા ૧.૪૮ લાખનો દારૂ કબ્જે કર્યો

સુરત જિલ્લાનાં માંગરોળ તાલુકાના વાંકલ ગામે પોલીસે બાતમીનાં આધારે દારૂ ભરેલી કારનો પીછો કર્યો હતો. કાર ચાલક દારૂ ભરેલી કારને લાંબા અંતર સુધી ભગાવી હતી. પરંતુ પકડાઈ જવાના ભયમાં ચાલક કારને બિનવારસી મૂકી ભાગી છૂટ્યો હતો. પોલીસને કારને જપ્ત કરી તેમાંથી ૧.૪૮ લાખનો દારૂ કબ્જે કર્યો હતો. માંગરોળ તાલુકાના વાંકલ ગામે પોલીસ પેટ્રોલિંગમાં હતી.

તે દરમિયાન પોલીસ કોન્સ્ટેબલને બાતમી મળી હતી કે, એક કાર ચાલક દારૂનો જથ્થો લઈ વાંકલ ગામેથી પસાર થનાર છે આ બાતમીને આધારે પોલીસે વોચ ગોઠવી હતી જે દરમિયાન બાતમી વાળી ગાડી માર્ગ પરથી પસાર થતાં પોલીસે તેનો પીછો કર્યો હતો આ સમયે કાર ચાલક મુખ્ય માર્ગ પર બોમ્બે ફળિયા બાજુ કારવાળી બિન વારસી હાલતમાં કાર અને ૧,૪૮,૮૦૦ રૂપિયાનો દારૂનો જથ્થો મૂકી ભાગી છૂટ્યો હતો. પોલીસે ઘટના સ્થળ પરથી દારૂનો જથ્થો અને ૩ લાખની કાર સહિત ૪,૪૮,૮૦૦નો મુદ્દો માલ કબજે કરી ગુનો દાખલ કરી વધુ તપાસ હાથ ધરી હતી.

Author: Gujarat Samrajya