વડોદરા નજીક ગામમાં ફરી એકવાર મગર મકાનના બારણા સુધી આવી જતા લોકોમાં ગભરાટ ફેલાયો હતો. ભાઈલી નજીક આવેલા રાયપુરા ગામે રાત્રે તળાવ પાસેના એક મકાનની બહાર છ ફૂટનો મગર આવી ગયો હતો. પરિવારજનોનું ધ્યાન જતા તેઓ ગભરાઈ ગયા હતા અને થોડી જ વારમાં લોકોનો ટોળા જામ્યા હતા. બનાવની જાણ ફોરેસ્ટ વિભાગને કરાતા લગભગ પોણો કલાકની જહેમત બાદ મગરનું રેસ્ક્યુ કરવામાં આવ્યું હતું. જયારે ફોરેસ્ટની સાથે ગામ લોકો પણ મદદમાં જોડાયા હતા.
