ભરૂચ નગરપાલિકાના વોર્ડ નંબર ૬ના કોર્પોરેટર વિશાલ વસાવા અને તેમના પત્ની રાત્રિના તેમના મકાનમાં સુવા માટે ગયા હતા. તે દરમ્યાન તેમના મકાનની છતનો મોભ પડતા તેની નીચે દબાઈ જતા વિશાલ વસાવાનું મોત નિપજયુ છે. જયારે તેમના પત્નીને ઈજાઓ પહોંચી હોવાના જાણવા મળ્યું હતું. ભરૂચ શહેરના વોર્ડ ૬ના નગરપાલિકાના સભ્ય વિશાલ વસાવા અને તેમના પત્ની અમિતા વસાવા શહેરના જુમ્મા મસ્જિદની સામે આવેલ પાયોનીગર સ્કુલ નજીર વરસો જુના મકાનમાં રાત્રિના સુવા માટે ગયા હતા. 
તે દરમ્યાન રાત્રિના ૧૨.૩૦ વાગ્યાના અરસામાં તેમના મકાનની લાકડાંની મોભ અને તેનો કાટમાળ પડતા તેઓ બંને અંદર દબાઈ ગયા હતા. જેની જાણ થતા જ પાલિકાના ફાયર બ્રિગેડના લાશ્કરોએ દોડી આવી બંનેને બહાર કાઢી ભરૂચ સીવીલ હોસ્પિટલમાં સારવાર હેઠળ ખસેડવામાં આવ્યા હતા. જેમાં વિશાલ વસાવાને મોઢાના અને છાતીના ભાગે ગંભીર ઈજાઓ પહોંચતા હાજર તબીબે તેમને મૃત જાહેર કર્યા હતા. જયારે તેમના પત્નીને ઈજાઓ પહોંચતા સારવાર અપાઈ હતી. જોકે રાત્રિના સમયે સભ્યના મોતાના સમાચાર ફેલાઈ જતા ભાજપ જિલ્લા પ્રમુખ પ્રકાશ મોદી સહિત પાલિકાના સભ્યો અને અધિકારીઓ પણ હોસ્પિટલમાં દોડી આવ્યા હતા. આ મામલે ભરૂચ બી.ડીવીઝન પોલીસે અકસ્માત મોતનો ગુનો નોંધી તપાસ હાથ ધરી હતી.
