અજાણ્યા વાહન અડફેટે રાહદારીનું મોત

સુરત જિલ્લાનાં કામરેજના ધોરણ પારડી ગામની સીમમાં નેશનલ હાઈવે પર અજાણ્યા વાહન ચાલકે અડફેટે લેતા રાહદારીનું ગંભીર ઇજા થવાથી ઘટના સ્થળે મોત થયું હતું.

મળતી માહિતી મુજબ, કામરેજના ધોરણ પારડી ગામની સીમમાં અમદાવાદથી મુંબઇ નેશનલ હાઈવેનો રસ્તો ક્રોસ કરી રહેલા અજાણ્યા રાહદારીને સામેથી પુરઝડપે આવી રહેલા અજાણ્યા વાહન ચાલકને અડફેટે લઇ ફરાર થઈ ગયો હતો. આ ઘટનામાં રાહદારીને માથા તેમજ શરીરના વિવિધ ભાગે ગંભીર ઇજાઓ પહોંચતા તેનું ઘટના સ્થળે મોત થયું હતું. અકસ્માતની ઘટના અંગે કામરેજ પોલીસ મથકે ફરિયાદ કરવામાં આવતા હાલ પોલીસે કસૂરવાર અજાણ્યા વાહન ચાલક વિરુદ્ધ ગુનો નોંધી આગળની તપાસ હાથ ધરી હતી.

Author: Gujarat Samrajya