ભરૂચ : વાલિયાના ડણસોલી ગામે હનુમાનજી મંદિર પાસે ખુલ્લા મેદાનમાં ટોર્ચના અજવાળે જુગાર રમતા ૮ શખ્સોને પોલીસે રંગેહાથ ઝડપી પાડ્યા છે. પોલીસે સ્થળ પરથી રોકડ રકમ અને મોબાઈલ ફોન સહિત કુલ રૂ.૩૯,૦૨૦નો મુદ્દામાલ જપ્ત કરી કાયદેસરની કાર્યવાહી હાથ ધરી છે.
મળતી માહિતી પ્રમાણે તા.૧૦મી માર્ચની રાત્રે વાલિયા પોલીસની ટીમ પેટ્રોલિંગમાં હતી ત્યારે બાતમીદાર મારફતે ચોક્કસ માહિતી મળી હતી કે ડણસોલી ગામના લીમડી ફળિયા પાસે આવેલ હનુમાનજી મંદિરની બાજુમાં કેટલાક ઈસમો એકઠા થઈ મોબાઈલ ટોર્ચના અજવાળે ગંજીપાના વડે હાર-જીતનો જુગાર રમી રહ્યા છે. આ બાતમીના આધારે પોલીસે રાત્રિના આશરે ૧૧:૧૫ વાગ્યે દરોડો પાડ્યો હતો.પોલીસના દરોડામાં ૮ ઈસમો સ્થળ પરથી પકડાઈ ગયા હતા. પોલીસે દાવ પરથી અને આરોપીઓની અંગ ઝડતી લેતા રોકડ રકમ,મોબાઈલ ફોન ૫ નંગ સહિતનો મુદ્દામાલ કબજે કર્યો હતો. (૧) યોગેશભાઇ કરશનભાઇ વસાવા (૨) લાલુભાઇ અર્જુનભાઇ વસાવા (૩) કૌશીકભાઇ કાનજીભાઇ વસાવા (૪) મનહરભાઇ ગંભીરભાઇ વસાવા (૫) અવિચનભાઇ અર્જુનભાઇ વસાવા (૬) સતિષભાઇ સુકાભાઇ વસાવા (૭) મનિષભાઇ સુકાભાઇ વસાવા (૮) પ્રકાશભાઇ અભેસિંગભાઇ વસાવા (તમામ રહેવાસી: લીમડી ફળિયું, ડણસોલી, તા.વાલિયા). વાલિયા પોલીસે આ મામલે તમામ આરોપીઓ વિરુદ્ધ ગુનો નોંધી કાયદેસરની કાર્યવાહી હાથ ધરી છે.
