ગણેશ ભક્તો માટે આ વર્ષનો ગણેશોત્સવ વિશેષ બની રહેશે. પંચાંગ મુજબ તિથિ વૃદ્ધિના કારણે 2017 બાદ 9 વર્ષ પછી ગણેશોત્સવ 12 દિવસનો રહેશે. સામાન્ય રીતે 10 દિવસ ચાલતો ઉત્સવ આ વર્ષે બે દિવસ વધારાના સમય સાથે ઉજવાશે.
ભાદ્રપદ સુદ ચતુર્થીએ ગણપતિ બાપ્પાની સ્થાપના બાદ 12મા દિવસે અનંત ચતુર્દશીએ ભવ્ય વિસર્જન કરવામાં આવશે. વધારાના બે દિવસ દરમિયાન ભક્તોને ગણેશજીની પૂજા, મંત્રજાપ અને આરાધના માટે વધુ સમય મળશે.
