રોજિંદી મુસાફરી કરતા લોકો માટે ખિસ્સા પર વધુ એક બોજ વધ્યો છે. નાયરા બાદ હવે વધુ એક ખાનગી ઈંધણ કંપનીએ પેટ્રોલ અને ડીઝલના ભાવમાં મોટો વધારો કર્યો છે. રિલાયન્સ ઇન્ડસ્ટ્રીઝ સમર્થિત Jio-bp એ પેટ્રોલની કિંમતમાં રૂપિયા 5 પ્રતિ લિટર અને ડીઝલની કિંમતમાં રૂપિયા 3 પ્રતિ લિટરનો વધારો કર્યો છે. આ નવા દરો રવિવાર, 11 ઓક્ટોબરથી સવારે 6 વાગ્યાથી અમલમાં આવી ગયા છે. પશ્ચિમ એશિયામાં ચાલી રહેલા તણાવ અને હોર્મૂઝની ખાડીથી ઓઇલ સપ્લાય ઠપ થવાને કારણે આંતરરાષ્ટ્રીય સ્તરે ક્રૂડ ઓઇલની કિંમતોમાં ભારે ઉછાળો આવ્યો છે.
ગ્લોબલ માર્કેટમાં કાચા તેલના ભાવ ઊંચા રહેવાને કારણે માર્કેટિંગ માર્જિન પર દબાણ વધ્યું છે, જેના કારણે ખાનગી કંપનીઓને ભાવ વધારવાની ફરજ પડી છે. ઉલ્લેખનીય છે કે, આ અગાઉ 3 ઓક્ટોબરે ખાનગી ઓઇલ કંપની નાયરા એનર્જીએ પણ પેટ્રોલ-ડીઝલમાં આટલો જ ભાવ વધારો કર્યો હતો.(સૌજન્ય)
