રાજ્યમાં વરસાદનો માહોલ જામ્યો છે ત્યારે સૌરાષ્ટ્ર, દક્ષિણ ગુજરાત, ઉત્તર ગુજરાત સહિત રાજ્યમાં મેઘમહેર જોવા મળી રહી છે. છેલ્લા 3 દિવસથી સુરત શહેરમાં વરસાદ પડી રહ્યો છે. ત્યારે આજે વહેલી સવારથી સુરતમાં વાદળો છવાયા બાદ ધોધમાર વરસાદ ખાબક્યો હતો. જેમાં શહેરમાં રાંદેર વિસ્તારમાં 4 કલાકમાં 3 ઈંચ, જ્યારે વરાછામાં અઢી ઇંચ વરસાદ નોંધાયો છે. ભારે વરસાદનાં લીધે ઠેર ઠેર પાણી ભરાયા હતા.
આજે સુરત, નર્મદા, તાપી, બનાસકાંઠામાં રેડ એલર્ટ આપવામાં આવ્યું છે, જ્યારે 13 જિલ્લામાં ઓરેન્જ એલર્ટ આપ્યું છે. સુરત પાલિકા દ્વારા પ્રિ મોન્સુન કામગીરીમાં વેઠ ઉતારવામાં આવી હોવાનો સ્થાનિક રહીશો બળાપો ઠાપી રહ્યા છે. અહીં પ્રિમોન્સુન કામગીરી નબળી થઈ હોવાથી થોડા વરસાદમાં પણ અનેક જગ્યાએ વરસાદી પાણીનો ભરાવો થઈ રહ્યો છે. દર ચોમાસાની સમસ્યા પણ તંત્ર અને શાસકો સમસ્યાના હલ લાવવામાં નિષ્ફળ ગયું હોવાનો આક્ષેપ થઈ રહ્યો છે. સુરતના માંડવી તાલુકામાં આજે સવારથી વરસાદ પડી રહ્યો છે. છેલ્લા એક અઠવાડિયા દરમિયાન થયેલા હળવોથી ભારે વરસાદના પગલે જળાશયોમાં નવા નીર આવ્યા છે. આ દરમિયાન માંડવીનો ગોળધા ડેમ છલકાયો છે.
Users Today : 43
Total Users : 79482
Views Today : 53
Total views : 119291