વલસાડના હેમલતાબેન અગ્રવાલ અને તેમના મિત્ર જાવેદ પટેલ કોર્ટના કામ માટે ભીલાડ પોલીસ મથકે ગયા હતા અને ત્યાંથી પરત જઈ રહ્યા હતા. 
દરમાયનમાં બપોરે ૧ વાગ્યાની આસપાસ ટેમ્પોના ચાલકે તેના કબજાનો ટેમ્પો વાપીથી મુંબઈ તરફ જતા નેશનલ હાઈવે પર ફર્સ્ટ ટ્રેક ઉપરથી હંકારી ભીલાડ રેલવે ફાટક તરફ ટર્ન મારતા એક્ટિવા મોપેડને ટક્કર વાગી હતી. આ સાથે જ જાવેદ રોડ પર પટકાતા તેમને ઈજા અને હેમલતાબેનને હાથમાં સામાન્ય ઇજા થઈ હતી. ત્યારબાદ આસપાસથી લોકો ભેગા થઈ ગયા હતા. જેઓએ બંને ઈજાગ્રસ્તોને ભીલાડ સીએચસી અને ત્યારબાદ જાવેદને વધુ સારવાર માટે વલસાડ કસ્તૂરબા હોસ્પિટલમાં ખસેડયો હતો. જાવેદને ચહેરાના ભાગે ઈજા થવા ઉપરાંત આંગળીના ભાગે ફેક્ચર થયું હતું.
