ઉમરગામનાં ભિલાડ નજીકના એક ગામના યુવકે યુવતીને પ્રેમજાળમાં ફસાવી લગ્નની લાલચ આપીને તેની સાથે શારીરિક સંબંધ બાંધ્યા બાદ તરછોડી દેતા મામલો પોલીસ મથકમાં પહોંચ્યો હતો. સુત્રો પાસેથી મળતી માહિતી મુજબ, ઉમરગામ તાલુકાનાં ભિલાડ નજીક એક ગામના 21 વર્ષીય યુવકે એક યુવતી સાથે એક વર્ષથી પ્રેમસંબંધ બાંધી અનેકવાર દુષ્કર્મ આચયું હતું અને તે દરમિયાન યુવતીએ લગ્ન કરવાનું કહેતા યુવકે લગ્ન કરવાની ના પાડી દીધી હતી. આમ, લગ્નની લાલચ આપી શારીરિક સંબંધ બાંધીને યુવકે યુવતીને તરછોડી દીધી હતી જે અંગેની ફરિયાદ યુવતીએ ભિલાડ પોલીસ મથકમાં કરતા પોલીસે દુષ્કર્મ હેઠળ ગુનો દાખલ કરી વધુ તપાસ હાથ ધરી હતી.
