ડોલવણના ધામણદેવી ગામની સીમમાં આવેલા જંગલમાં જઈને ૨૦ વર્ષીય યુવતીએ ઝેરી દવા ગટગટાવી લઈ જીવન ટૂંકાવી લેતા પંથકમાં ચકચાર મચી હતી. જેમાં છેલ્લા આઠ વર્ષથી ચાલતા પ્રેમસંબંધ બાદ પ્રેમીએ લગ્ન કરવાનો ઈનકાર કરી દેતા અને તે અન્ય યુવતી સાથે પ્રેમસંબંધ રાખતો હોવાની જાણ થતાં યુવતીએ હતાશામાં મોતને વહાલું કર્યું હતું. પરિવારજનોએ યુવતીને આપઘાત કરવાની દુત્પ્રેરણા આપનાર શખ્સ સામે ફરિયાદ કરી હતી.
સુત્રો પાસેથી મળતી માહિતી મુજબ, ડોલવણ તાલુકાનાં કુંભીયા ગામનાં વિધવા કાશ્મીરાબેન ચૌધરીના લગ્નજીવન દરમિયાન ત્રણ સંતાનો પૈકી મોટા દીકરાનું અગાઉ મૃત્યુ થયું હતું, જયારે બીજા નંબરની દીકરી રુચિ (ઉ.વ.૨૦) અને ત્યારબાદ એક દીકરો છે. 
જે અંગેની જાણ યુવતીને થતા તેણીને માઠું લાગી આવતા તેણીએ અભિષેકને, ‘તું મને નહીં રાખશે તો હું ઝેરી દવા પી મરી જઈશ’ તેવું કહી ઝેરી દવાની બાટલીનો ફોટો વોટ્સએપથી મોકલ્યો હતો. પરંતુ જે બાબતે અન્ય કોઈને વાતચીત કરી ન હતી. યુવાનને ખબર હોવા છતાં તે મુદ્દે રુચિના પરિવારજનોને જાણ કરી ન હતી. જેથી ગત તારીખ ૨૫/૪/૨૫ નારોજ અભિષેક રુચિને મળવા આવ્યો તે દરમિયાન પણ તેણે લગ્ન કરવાની ના પાડી હતી.
તારીખ ૨૫ના રોજ રુચિ ૧૦ કલાકે ઘરેથી કામ અર્થે જાઉં છું કહીને નીકળી હતી. તેણીએ ધામણદેવી ગામની સીમમાં જંગલમાં કોઈ ઝેરી દવા પી લેતા તેણીને ૧૦૮ દ્વારા સારવાર માટે ખસેડવામાં આવી હતી. જોકે ગડત હોસ્પિટલમાં સારવાર અર્થે પહોંચતા ફરજ પરના તબીબે યુવતીને મૃત જાહેર કરી હતી. રુચિએ દવા પી લીધી હોવાની જાણ માતાને અભિષેક ગામીતે કરી હતી. યુવતી સાથે પ્રેમસંબંધ રાખ્યા બાદ લગ્ન કરવાની ના પાડી તેણીને આપઘાત કરવાની દુષ્પ્રેરણા આપનાર અભિષેક ગામીત સામે પોલીસ મથકે મૃતક યુવતીના મામા દિલીપભાઈ ચૌધરીએ ડોલવણ પોલીસ મથકે ફરિયાદ નોંધાવી હતી.
