ઉચ્છલનાં ચચરબુંદા ગામ નજીવી બાબતે મારામારી થયાનો બનાવ પોલીસ મથકે નોંધાયો

ઉચ્છલનાં ચચરબુંદા ગામમાં રહેતા શખ્સને ઝાડ કાપવા બાબતે બોલાચાલી કરી અને માથાના ભાગે વાંસની લાકડી વડે ફટકો મારી ઈજા પહોંચાડનાર ઈસમ સામે ઉચ્છલ પોલીસ મથકે ફરિયાદ નોંધાવી હતી.

મળતી માહિતી મુજબ, ઉચ્છલનાં ચચરબુંદા ગામનાં ડુંગરી ફળિયામાં રહેતા અનીલભાઈ છગનભાઈ ગામીત નાંઓ તારીખ ૦૭/૦૫/૨૦૨૫ નાંરોજ પોતાના ખેતરમાં પાણીનો પાઈન રીપેર કરવા માટે ગયા હતા તે સમયે ચચરબુંદા ગામનાં નિશાળ ફળિયામાં રહેતા પોસલીયાભાઈ મીનાભાઈ ગામીત નાંએ સ્થળ ઉપર આવી અને ખેતરના છેડા ઉપર આવેલ લીંબડાના ઝાડ કાપવા બાબતે બોલાચાલી કરી હતી તેમજ અનીલભાઈને માથાના ભાગે વાંસની લાકડી વડે ફટકો મારી દઈ ફ્રેકચર કર્યું હતું તેમજ માથાના ભાગે ગંભીર ઈજા પહોંચાડી હતી. બનાવ અંગે હીરાબેન રમેશભાઈ ગામીતનાંએ તારીખ ૦૮/૦૫/૨૦૨૫ નાંરોજ ઉચ્છલ પોલીસ મથકે પોસલીયા ગામીત સામે ગુન્હો નોંધાવ્યો હતો.

Author: Gujarat Samrajya