નવસારી હાઇવે રોડના વેસ્મા નજીકના પરથાણ ગામ ઓવરબિજ ઉપર બાઇક સવાર પિતા-પુત્રને ટ્રકે અડફેટે લેતા પિતાનું ઘટના સ્થળ પર કમકમાટીભર્યું મોત નીપજ્યું હતું. જયારે પુત્રને ઈજા પહોંચતા સારવાર માટે ખાનગી હોસ્પિટલમાં દાખલ કરાયો હતો. મળતી માહિતી મુજબ, સુત્રો પાસેથી મળતી માહિતી મુજબ, શ્યામકુમાર સહદેવભાઈ રાજભર (રહે.વાડીકુવા ફળિયું, મુનસાડ ગામ, નવસારી)નાં ગુરુવારના બપોરના ૧૨ વાગ્યાના અરસામાં પુત્ર આશિષની સાથે બાઇક ઉપર મોટર રિપેરિંગના કામ માટે વેસ્મા તરફ જઈ રહ્યા હતા. 
તે વખતે હાઈવે રોડના પરથાણ ગામના ઓવરબ્રિજ પર પુરઝડપે હંકારી જતી ટ્રકના ચાલકે તેમની બાઇકને અડફેટે લીધી હતી. જેમાં નીચે પટકાયેલા શ્યામકુમારના માથા ઉપર ટ્રકનું પાછળનું ટાયર ફરી વળતા તેમનું ઘટના સ્થળે કમકમાટીભર્યું મોત નીપજ્યું હતું. જ્યારે પુત્ર આશિષને ગંભીર ઇજા પહોંચતા સારવાર માટે વેસ્મા ખાનગી હોસ્પિટલમાં દાખલ કરાયો હતો. અકસ્માતમાં મૃત્યુ પામનાર શ્યામકુમાર રાજભરનું બિહારના વતની હતા અને વર્ષોથી નવસારીના મુનસાડ ગામમાં પત્ની શારદાબેન અને બે સંતાનો સાથે રહેતા હતાં. સબમર્સિબલ પંપ અને પાણીની મોટરો રિપેરિંગનો ધંધો કરતા શ્યામકુમાર ગુરુવારની બપોરે કોલેજના પ્રથમ વર્ષમાં અભ્યાસ કરતા અને હાલમાં વેકેશનમાં ઘરે રહેલા પુત્ર આશિષને લઈ મોટર રિપેરિંગ કરવા નીકળ્યા હતા તે વખતે આ અકસ્માત સર્જાયો હતો. બનાવ અંગે નવસારી રૂરલ પોલીસે અકસ્માતનો ગુનો દાખલ કરી ટ્રકના ચાલકની ધરપકડ કરી કાયદેસરની કાર્યવાહી હાથ ધરી હતી.
Users Today : 191
Total Users : 66472
Views Today : 270
Total views : 99897