વિસરવાડી ગામની સીમમાં વાહન અડફેટે દીપડાનું ગંભીર ઈજાને કારણે મોત નિપજયું

તાપી જિલ્લાની બોર્ડર નજીક આવેલ મહારાષ્ટ્રનાં નવાપુર તાલુકાનાં વિસરવાડી ગામ પાસેથી પસાર થતા સુરત-ધુલીયા હાઈવે નંબર-૫૩ પરનાં ઓવર બ્રિજ પરથી રાત્રે પસાર થતાં અજાણ્યા વાહનની અડફેટે ચઢેલા દીપડાનું ગંભીર ઈજાથી ઘટના સ્થળે મોત નિપજ્યું હતું.

વિસરવાડી ગામ પાસેના બાલહાટ, ગતાડી, કન્હાળા, બંધારપાડા, માસલીપાડા, માચાહોંન્ડા, જેવા ગામડાઓના ખેતરોમાં કેટલાક ખેડૂતોએ રાતના સમયે દીપડાને જોયો હતો. જેથી ખેડૂતો ખેતરમાં કામ કરવા જતાં ડરી રહ્યા હતા જેથી ગુરૂવારે રાતનાં સમયે કોઈ અજાણ્યા વાહનના ચાલકે દીપડાને અડફેટે લેતાં તેનું મોત થયું હતું. ઘટનાની જાણ થતાં વન વિભાગના અધિકારી મંગેશ ચૌધરી સાથે સ્ટાફ ઘટના સ્થળે દોડી આવી પંચનામાં કરી દીપડાના મૃતદેહને પોસ્ટ મોર્ટમ અર્થે લઈ ગયા હતા.(file photo)

Author: Gujarat Samrajya