આંધ્રપ્રદેશનાં પ્રકાશન જિલ્લામાં ભયંકર રોડ અકસ્માતની ઘટના બની છે. અહીં એક કાર અને ટ્રકની ટક્કરમાં છ લોકોનાં મોત થયા હતા. ડ્રાઈવરને ઝોકું આવી જતાં આ દુર્ઘટના બની હતી. પોલીસે જણાવ્યું હતું કે, ‘આજે પ્રકાશમ જિલ્લામાં એક ટ્રક સાથે કાર અથડાતા છ લોકોના મોત થયા હતા અને એક વ્યક્તિને ઈજા થઈ હતી. 
આ અકસ્માત બપોરે 1:40 વાગ્યે પ્રકાશમ જિલ્લાના કોમારોલુ મંડળના મોટુ ગામમાં કડપ્પા, ગિદ્દાલુરુ, માર્કપુર અને અન્ય સ્થળોને જોડતા હાઇવે પર થયો હતો. પ્રકાશમ જિલ્લાનાં પોલીસ અધિક્ષક એ.આર.દામોદરે જણાવ્યું હતું કે, કારમાં સવાર આઠ લોકો સ્ટુઅર્ટ પુરમ ગામના હતા. અકસ્માત થયો ત્યારે આઠ લોકો મહા નંદીની યાત્રા પરથી પરત ફરી રહ્યા હતા. કાર બેકાબૂ થઈને વિરૂદ્ધ દિશામાં ટ્રક તરફ વળી ગઈ હતી, જ્યારબાદ ટ્રક સાથે અથડાઈ ગઈ. જેમાં છ લોકોનાં ઘટના સ્થળે જ મોત થયા હતા. પોલીસને શંકા છે કે, ડ્રાઇવરને ઊંઘ આવી ગઈ હતી. જોકે,આ મામલે તપાસ ચાલુ છે.
Users Today : 72
Total Users : 79380
Views Today : 123
Total views : 119169