ગાંધીનગરમાં સ્પેશિયલ ઓપરેશન ગ્રુપની ટીમ દ્વારા માણસાનાં ચાંદીસણા ગામમાં દરોડો પાડીને મકાનમાંથી નશાકારક દવાઓના જથ્થા સાથે એક શખ્સને ઝડપી લેવામાં આવ્યો હતો અને તેની સામે ગુનો દાખલ કરવામાં આવ્યો હતો. 
મળતી માહિતી મુજબ, સ્પેશિયલ ઓપરેશન ગુ્રપની ટીમને બાતમી મળી હતી કે, માણસા તાલુકાના ચાંદીસણા ગામમાં રહેતો જયેશ મનુભાઈ ઠક્કર નામનો શખ્સ તેના ઘરે નસીલી દવાઓ રાખે છે અને તેનું વેચાણ કરે છે. જે બાતમીના પગલે પોલીસ ટીમ દ્વારા તેના ઘરે દરોડો પાડવામાં આવ્યો હતો અને જયેશ ઠક્કર હાજર મળી આવ્યો હતો. જેના ઘરમાંથી ગેરકાયદેસર રીતે પાસ પરમિટ વગર કોડેઇનવાળી કફ સિરપની બોટલો તથા અલગ અલગ બ્રાન્ડની ટેબલેટ મળી આવી હતી. જેના પગલે પોલીસ દ્વારા ૧૨,૬૧૭ રૂપિયાનો મુદ્દામાલ કબજે કરીને તેની સામે કલોલ તાલુકા પોલીસ મથકમાં એનડીપીએસ એક્ટ હેઠળ ગુનો દાખલ કરવામાં આવ્યો હતો.
Users Today : 72
Total Users : 79380
Views Today : 123
Total views : 119169