સુરતના કામરેજ પોલીસ સ્ટેશનની ટીમે આંબોલી ગામની સીમમાંથી અલગ-અલગ સ્થળે જાહેરમાં ચપ્પુ લઈને ફરતા બે શખ્સોને ઝડપી પાડી કાયદેસરની કાર્યવાહી હાથ ધરી છે.
પ્રાપ્ત વિગતો મુજબ, કામરેજ પોલીસ સ્ટેશનનો સ્ટાફ ગત રવિવારના રોજ આંબોલી વિસ્તારમાં પેટ્રોલીંગમાં હતી. આ દરમિયાન આંબોલી ચાર રસ્તા પાસે જાહેરમાં ચપ્પુ લઈને આટાફેરા મારતા બે શખ્સો પોલીસના હાથે ઝડપાઈ ગયા હતા. (૧) નઝીર રફીકભાઈ પઠાણ (ઉં.વ.૨૫, રહે.રાજ ટાવર, આંબોલી) ને ચપ્પુ સાથે ઝડપી લેવામાં આવ્યો હતો (૨) અફજલ મહંમદઅલી મંન્સુરી (ઉં.વ.૨૯,રહે.શક્તિનગર, આંબોલી) ને ચપ્પુ સાથે પકડી પાડવામાં આવ્યો હતો. પકડાયેલા બંને શખ્સો પાસે ચપ્પુ રાખવા બાબતે કોઈ સંતોષકારક જવાબ ન હોવાથી પોલીસે તેમની ધરપકડ કરી હતી.
