ગાંધીનગરમાં સાંતેજના નસમેદ ગામમાં જાહેરમાં જુગાર રમી રહેલા સાત ઇસમોને પોલીસે બાતમીના આધારે મુદ્દામાલ સાથે ઝડપી પાડ્યા છે. પોલીસને ખાનગી રાહે બાતમી મળી હતી કે નસમેદ ગામના ટેકરાવાળા વાસમાં આવેલા જોગણી માતાજીના મંદિર પાછળ ખુલ્લી જગ્યામાં કેટલાક લોકો ભેગા થઈ પૈસા અને પાના વડે હારજીતનો જુગાર રમી રહ્યા છે. આ બાતમીના આધારે સાંતેજ પોલીસની ટીમે દરોડો પાડ્યો હતો.
પોલીસની કાર્યવાહી દરમિયાન જુગાર રમતા ૭ શખ્સો રંગેહાથ ઝડપાઈ ગયા હતા. (૧) માણકાજી મફતજી ઠાકોર (૨) ભીખાજી પ્રહલાદજી ઠાકોર (૩) સંજયજી બાબુજી ઠાકોર (૪) ગુણવંતજી બળદેવજી ઠાકોર (૫) દશરથજી શિવાજી ઠાકોર (૬) બળદેવજી સવધાનજી ઠાકોર (૭) પ્રકાશજી બચુજી ઠાકોર આ સાતેય સામે સાંતેજ પોલીસે ગુનો નોંધી કાયદેસરની કાર્યવાહી હાથ ધરી છે.
